Sariak

2025eko irabazleak

^{Ezkerretik hasita: Jaione Bengoetxea Azurmendi, Idoia Landa Reza, Naia Begiristain Etxezarreta, Izaro Solozabal Azcarate, Elena Casiriain Iturriria eta Nora Santos-Loyola}

Bilboko Udalak babestu ditu aurtengo bost jakintza-alorretako artikulu eta aurkezpen onenak:

• Giza Zientziak eta Artea. Elena Casiriain Iturriria. "Mugalur proiektua: mugaldeetako bizipenak eta mugaren iruditegiak Euskal Herrian" 
• Gizarte Zientziak eta Zuzenbidea. Idoia Landa Reza. "Borondate digitala"
• Zientziak eta Natura Zientziak. Alexander Mirandona-Olaeta. "Elektrolito solido hibrido berriak: sare metal-organiko eta likido ionikoen konbinazioa litio eta sodio baterientzat"
• Osasun Zientziak. Ane Amundarain Iraola. "Aptameroak Mieloma Anizkoitzaren aurkako RNA-n oinarritutako terapien garapenerako"
• Ingeniaritza eta Arkitektura. Jaione Bengoetxea Azurmendi. "Euskara eta gaztelaniazko kontra-narratiben sorkuntza: datuen sorrera eta ebaluazioa"

Naia Begiristain Etxezarreta ikertzaileak, berriz, Euskal Herriko garapenean eragin handiena duen ikerketari saria jaso zuen Udalbiltzaren eskutik, "Dialogoko hirugarren subjektua: herri politikak ko-sortzeko prozesuak demokratizatzeko marko kontzeptuala" artikuluagatik.

Mikroaurkezpen onenak ere saritu ditu UEUk:

• Nora Santos-Loyola. "Belvís de Monroy granito-pegmatita sistemaren karakterizazioa eta zeresana Mazizo Iberiarreko elementu arraroen esplorazioan"
• Izaro Solozabal Azcarate. "Burdinazko nanoimanak: konfigurazio magnetikoa eta biomedikuntza-aplikazioetarako potentziala"

Sariak

Ikergazte kongresuan zortzi sari banatuko dira: bost Ahozko komunikazio onenei (300 €-ko saria bakoitzari), Sari berezia Euskal Herriaren garapenerako garrantzitsua den gaiari (300 €) eta bi mikroaurkezpen onenei (100 €-ko bi sari).

Irabazleak kongresuaren sari-banaketa ekitaldian jakinaraziko dira. Hain zuzen, maiatzaren 30ean, 12:00etan hasita.

Ahozko komunikaziorik onenak

Ahozko komunikazioa aurkezten duten ikergazteen artean 6 sari banatuko dira. Jakintza-alor bakoitzeko komunikaziorik onenak saritzeko bost sari, eta Euskal Herriaren garapenerako garrantzitsua den gaiari sari berezi bat.

Jakintza-arlokako sariak

Honako irizpide hauek kontutan hartuta erabakiko dira jakintza-arlo bakoitzeko sarituak:

• Ebaluatzaileek saritzeko moduan dauden artikuluak proposatzen dituzte (bereziki ondo landutako artikuluak).
• Saritzeko moduan dauden artikuluak alorreko aldizkari espezializatuetara bidaltzen dira eta bertan bigarren ebaluazio bat egiten da.
• Saritzeko moduan diren artikuluen egileen produkzio zientifikoa zein den aztertzen da (Inguma datu-basea, Google Scholar).
• Saritzeko moduan diren artikuluen ahozko aurkezpenak mahaiburuek baloratuko dituzte.

Sari berezia

• Euskal Herriaren garapenerako bereziki garrantzitsua den gaia lantzeagatik sari berezia banatuko da.

Irabazleek

• 300 €-ko sari ekonomikoa jasoko dute.
• Artikulua aldizkari zientifikoan argitaratzeko aukera.
• Aldizkari baterako urte bateko harpidetza.

Mikroaurkezpenik onenak

Mikroaurkezpen ulergarrienak sarituko dira. Bi sari banatuko dira entzuleek hautatuta eta UEUk banatuko ditu.

Irabazleek 100 €-ko sari ekonomikoa jasoko dute.