(102) Burdinazko nanoimanak: konfigurazio magnetikoa eta biomedikuntza-aplikazioetarako potentziala

Izaro Solozabal Azcarate¹, Raquel Zurbano¹, Maria Dolores Boyano², Beatriz Arteta³, Aitor Benedicto³, Carolina Redondo¹, Rafael Morales⁴

¹Kimika-Fisikoa Saila EHU/UPV, ²Zelulen Biologia eta Histologia Saila EHU/UPV, Biocruces Health Research Institute eta Tecnalia, ³Zelulen Biologia eta Histologia Saila EHU/UPV, ⁴Kimika-fisikoa saila eta BCMaterials, EHU/UPV eta IKERBASQUE, Basque Foundation for Science

izaro.solozabal@ehu.eus

Laburpena

Burdina magnetismoan oinarritutako aplikazio biomedikoentzako material interesgarria da, biobateragarritasuna eta magnetizazio handia direla eta. Lan honek Fe nanodiskoen espinaren egitura ikertzen du, lodieraren eta diametroaren arabera. 20 nm eta 150 nm arteko lodierako nanodiskoak eta 200 nm eta 1000 nm arteko diametroko nanoimanak fabrikatu eta karakterizatu dira. Magnetometria-neurketek espineko bortize-konfigurazio bat eratzeko baldintza geometrikoak zehaztea ahalbidetu dute. Gainera, frekuentzia baxuko eremu magnetikoen pean Fe nanodiskoen erantzun magnetikoa aztertu da ur-disoluzioetan. Azkenik, biomaterial hauen eraginkortasuna zelula endotelialen eta fibroblastoen hazkuntza bidimentsionaletan (2D) eta irla magnetikoak dituzten substratuetan egiaztatukoa da.

Gako-hitzak: Nanopartikula magnetikoak, Bortize-konfigurazioa, Biomedikuntza