(3) Aptameroak Mieloma Anizkoitzaren aurkako RNA-n oinarritutako terapien garapenerako

Ane Amundarain¹, Fernando Cartón-García², Arantxa Carrasco-León³, Leire Garate³, Estibaliz Miranda³, Edurne San José-Enériz³, Helena Villanueva², Fernando Pastor², Felipe Prósper³, Xabier Agirre³

¹Molecular Biology and Genetics Department, Aarhus University, Aarhus, ²Aptamero Unitatea, Centro de Investigación Médica Aplicada (CIMA), IDISNA, Nafarroako Unibertsitatea, ³Hemato-Onkologia Programa, Centro de Investigación Médica Aplicada (CIMA), IDISNA, Nafarroako Unibertsitatea

aneamun@mbg.au.dk

Laburpena

Mieloma Anizkoitza hezur-muineko zelula plasmatikoen minbizia da, hein handi batean oraindik sendagaitz dirauena. Berriki, RNA ez-kodetzaileak (lncRNA) gaixotasun honen tratamendurako itu terapeutiko bezala proposatu dira, hala ere, molekula hauek isilarazteko proteinen aurka erabilitako molekula txiki edo antigorputzak erabilgarriak ez direnez, proiektu honetan RNA-n oinarritutako terapia berrien garapena proposatzen dugu. Honetarako, minbizi zeluletan espezifikoki barneratzeko gai diren RNA aptameroak identifikatu ditugu, eta hauek mielomaren garapenean eragina duten RNA-k isilaraz ditzaketen oligonukleotido terapeutikoekin elkartuko ditugu. Tratamenduak mieloma zelulei bakarrik eragingo dienez, espezifikotasuna handitu eta albo-kalteak murriztea espero dugu.

DOI: https://doi.org/https://doi.org/10.26876/ikergazte.vi.04.01

Gako-hitzak: Mieloma, RNA, aptameroak, RNA ez-kodetzaileak, terapia zuzenduak