Zabalik dago "Biodibertsitatea eta etorkizuna: erronka partekatuak" jardunaldian izena emateko epea

2025eko irailaren 23a

Fagus Alkiza interpretazio zentroak, UEUren laguntzarekin, dibulgazio jardunaldiak egingo ditu datorren urriaren 25ean eta 26an Alkizan. Jardunaldi hauen xedea da herritarren kontzientziazioa sustatzea eta adieraztea biodibertsitatearen zaintza gure esku dagoela, erronka kolektibo eta partekatu gisa ulertuta. Jardunaldiak natura eta ingurumenaren zaintza interesgai dituzten herritar guztiei daude zuzenduta, baita naturarekin lotutako ikasketak egiten ari diren ikasleei ere.

Urriak 25, larunbata

• 09:00 – 09:15 Antolatzaileen ongietorria

• 09:15 – 09:50 “KORRIDORE EKOLOGIKOAK KLIMA ALDAKETAREN GARAIAN”. Aitziber Sarobe Egiguren, biologoa
  

• 09:50 – 10:25 2. hitzaldia: “EGUR HILA ETA BIZIA: INTSEKTU SAPROXILIKOAK ETA EGURRAREN DESKONPOSIZIOAREN GARRANTZIA BIODIBERTSITATEAN”. Iñaki Mezquita Aranburu eta Jon Frahier

• 10:25 – 11:00 3. hitzaldia: “KIROPTEROEN KUDEAKETA ETA HAIEN EGINKIZUNA EKOSISTEMAN”. Naiara Corcuera Landaluze eta Ion Fontenla Sukia

• 11:00 – 11:30 Atsedenaldia: Kafea

• 11:30 – 12:05 “URAREN TAUPADAK – GAREN (H)URA”. Inma Mugerza Perelló

• 12:05 – 12:55 Fagus Alkiza interpretazio zentrora bisita gidatua

Urriak 26, igandea

• Bisita gidatua Alkizan. “Zuhaitz lepatuak, gure arbasoen lekuko biziak”. Valentin Mugarza Martínez, basozaina

Izena eman dezakezu hemen.