Ibilbide bat eta zazpi bidelagun: eskola inklusiboa eta album ilustratuak uztartuz

Autorea(k): Haizea Galarraga Arrizabalaga

Jakintza-arloak: Hezkuntza-teoria eta -metodoak

ISBN: 978-84-8438-959-0

Argitalpen urtea: 2026

Orrialdeak: 212

Liburu honek album ilustratua ardatz duen ibilbide literario bat proposatzen du Lehen Hezkuntzarako, literaturaren eta inklusioaren arteko zubia eraikiz. Liburuak ainguraketa teoriko eguneratua eskaintzen du hezkuntza literarioari, album ilustratuari eta inklusioari buruz, eta ikuspegi hori praktikara eramaten duten zazpi diseinu didaktiko aurkezten ditu, zazpi album ilustratutan oinarrituta. Hautatutako album ilustratuek aniztasuna, identitatea, enpatia eta justizia soziala erdigunera ekartzeko aukera eskaintzen dute eta irakurle aktibo eta herritar konprometituak hezteko bidean lagun bilakatzen dira. Proposamen didaktikoek ikas egoeren egitura baliatzen dute, azken proiektu erreal bati begira daude eta diziplinartekotasuna, sormena, ikaskuntzaren diseinu unibertsala eta ikasleen ahotsa lehenesten dituzte. Liburuak xede du irakasleei zein hezkuntza-esparruko bestelako eragileei tresnak eskaintzea album ilustratuak ikasgelan lantzeko, literatura ikaskuntza-prozesuaren erdigunean kokatuz eta begirada inklusiboa bermatuz.

Haizea Galarraga Arrizabalaga: «Ikastetxeetan, maila guzti-guztietan, album ilustratuei leku egitea erabaki literario eta pedagogiko indartsua da»

Aurkibidea

1. LURRA: HASIERA

1.1. Nondik eta nora

1.2. Hartzaileari oharrak

2. HAZIA: IDEIEN SORBURUA

2.1. Literatura: mundua ulertzeko eta eraikitzeko atea

2.1.1. Hezkuntza literarioa ipar. Zenbait hausnarketa gaitasunez eta zaletasunez (Idurre Alonso Amezua)

2.1.2. Album ilustratua. Hitzaren eta irudiaren arteko dantza

2.2. Inklusioa: bidea eta jomuga

2.2.1. Inklusioa, inor bazterrean gera ez dadin (Ana Luisa López Vélez)

2.2.2. Irakurketa inklusiorako zubi