Zientzia-zubiak bideopodcastaren zuzeneko grabaketa Eibarren

UEUk, Eusko Jaurlaritzako Zientzia, Unibertsitatea eta Berrikuntza Sailaren laguntzaz, «Zientzia-zubiak» ekimena egingo du azaroan, «ikerl(h)ari» ildoaren baitan. Ekimen honen helburua ikertzaile gazte euskaldunak ezagutaraztea da, bai eta zientzia herritarrei hurbilaraztea ere.

Lehenengo solasaldiaren grabaketa Eibarren izango da: azaroaren 17an, 10.30ean, Armeria eskolako areto nagusian. Parte hartuko duten ikertzaile eibartarrak hauek izango dira:

• Mikel Albizuri Gómez, Biomedikuntzan doktoregaia.
• Izaro Fernandez Iriondo, Ingeniaritza Informatikoan doktorea.
• Nora Santos Loyola, Geologian doktoregaia.

Zatoz zu ere!

Etortzeko bazara idatzi komunikazioa@ueu.eus helbidera.