Irulegitik Pompelora txangoa ARANZADIrekin

2026ko maiatzaren 29a

Ekainaren 20an, UEUko bazkide, senide eta lagunak Irulegiko aztarnategira lagundutako bisitan joango gara ARANZADIren eskutik. Arratsaldean, berriz, Iruñean kokatua dagoen Nafarroako Museora joango gara Irulegiko jatorrizko eskua bertatik-bertara ikustera. Ostean, «Irulegitik Pompelora hiri baten sustraiak» izeneko erakusketaren bisitarekin amaituko dugu eguna.

EGITARAUA:

• 10:00 etan. Ilundain herriko aparkalekuan elkartuko gara (Arangurengo bailara). Kotxeentzat toki asko dago.
• 10:00 - 11:00 Irulegi mendiaren igoera.
• 11:00 - 12:30 Irulegiko baskoien herrixkan zehar bisita eta gero Erdi Aroko gaztelua. (Tartean 20 minutu hamaiketakoa egiteko)
• 12:30 - 13:30 Irulegitik aparkalekura.
• 14:00 - 17:00 libre. Bakoitzak nahi duen tokian bazkaltzeko.
• 17:00 - 17:45 Irulegiko eskua ikustera. Nafarroako Museoan sarreran elkartuko gara. Bertan jatorrizko eskua ikusteko. Sarrera doan.
• 17:45 - 18:00 Oinez Nafarroako Museotik Civivox Pompelo kultur etxera.
• 18:00 - 19:30 Irulegitik Pompelora hiri baten sustraiak izeneko erakusketara bisita gidatua. Sarrera doan.

Aldez aurretik, izena eman beharra dago. Mesedez, bete ondoko galdetegia, egun osorako zatozen edo ez jakiteko.

Animatu!