Filosofo Euskaldunen I. Bilkura (FEB2023): komunikazio-deialdia
2023ko martxoaren 24a
Aurkezpena
Filosofo Euskaldunen I. Bilkura dugu hau, bi urtero ospatzeko sortua, UEUko Filosofia Sailaren ekimenez eta Agora Filosofia Elkartearekin elkarlanean.
Lehen jardunaldi honetan, egun batez, Eibarren elkartuko gara gogoeta filosofikoa edota haren irakaskuntza euskaraz egiten dituztenak elkartu, saretu eta batera pentsatzeko bidean jartzeko.
Goizean, Besaulkia podcasteko arduradunen solasaldiarekin eta filosofia ikasgaien etorkizunaren gaineko gogoetarekin abiatuko gara. Eguerdian, komunikazioetarako tartea izango dugu, bai unibertsitate, kultura eta akademietako ekarpenak aurkezteko, bai bigarren hezkuntzako tailer, ekimen, praktika on eta proposamenak ezagutzera emateko. Arratsaldean, filosofia irakaskuntzaren erronkaz arituko gara.
Honekin, jardunaldian komunikazioak aurkezteko deialdia zabaltzen dugu.
Nori zuzendua
Filosofia arloan lanean, ikertzen, irakasten, ikasten, pentsatzen ari diren irakasle, ikasle, teknikari eta erakundeei.
Zer bidali
Komunikazio proposamena bidali nahi izanez gero, honako hau bidali:
Izenburua
Egile(ar)en izen-deiturak eta lantegi edo erakundearen izena
Eremua: unibertsitate arloa, bigarren hezkuntza edo oinarrizko hezkuntza
250 hitzeko laburpena
Harremanetarako posta elektronikoa eta telefono zenbakia
Nora bidali
UEUko Filosofia Sailera: filosofia@ueu.eus
Batzorde Zientifikoa
Mitxelko Uranga (UEU – Uribe Kosta BHI)
Alba Garmendia (UEU – Iparralde DBHI)
Itsaslore Yarza (Orixe BHI – Agora Filosofia Elkartea)
Iñigo Martinez (Lauro Ikastola – Agora Filosofia Elkartea)
Arantzazu Saratxaga (Vienako Arte Akademia)
Josu Landa Goyogana (Mexikoko Unibertsitate Nazional Autonomoa)
Egoitz de la Iglesia (Mondragon Unibertsitatea – Nafarroako Filosofia Elkartea)
Egutegia
Proposamenak bidaltzeko azken eguna: 2023-05-07
Jardunaldiaren ospakizuna: 2023-07-03