077 Etorri berrien harrera hezitzailea: psikomotrizitatea, gorputza ardatz ongizate emozionalerako.

Formakuntza honen bidez, harrera-prozesua psikomotrizitatearen ikuspegitik ulertzeko eta garatzeko oinarriak landuko dira. Mugimendua, jolasa eta gorputz-adierazpena baliabide pedagogiko gisa erabiliz, ikasleen segurtasun afektiboa, ongizate emozionala eta taldearekiko kidetasun-sentimendua sustatzeko estrategiak ezagutuko dituzte. Era berean, espazioaren, materialen eta erritualen antolaketa aztertuko da, harrera segurua eta atsegina errazteko. Irakasleek behaketa psikomotorra egiteko tresnak eskuratuko dituzte, ikasleen beharrak identifikatu eta horiei modu egokian erantzuteko. Azkenik, familien eta eskolaren arteko konfiantzazko harremanak sendotzeko estrategiak landuko dira, harrera-prozesu integrala eta kalitatezkoa bermatzeko.

Aurrez aurreko ikastaroen datak:

• Martxoak 2, 9, 20 eta 27 (17:00-19:45) Euskararen Etxea
• Martxoak 16, apirilak 6 eta 13 (17:00-19:00) San Ignacio HLHI . Psikomotrizitate gela
• Martxoak 13, apirilak 10 (10:00-14:00) Larunbatak, Euskararen Etxea

1. Jarduera psikomotorraren bidez, ikasleen arteko harremanak eta talde-kohesioa sustatzea, taldeko kide sentimendua sustatuz

• Gorputzaren bidez komunikazioa, adierazpena eta elkarrekintza sustatzea.
• Espazio, material eta erritual psikomotorrak erabiliz, harrera segurua eta atsegina eskaintzea.
• Jolas sinbolikoaren bidez, ikasle berriek taldean duten lekua eraikitzen laguntzea.

2. Psikomotrizitatearen bitartez, ikasleen segurtasun afektiboa eta konfiantza indartzea.

• Ikasleen ezinegona, estresa eta emozioak mugimenduaren eta jolasaren bidez erregulatzen laguntzea.
• Ikasleen ongizate emozionala eta garapen integrala sustatzea.

3. Irakasleei harrera-prozesuan behaketa psikomotorra egiteko tresnak eskaintzea.

• Irakasleen gaitasunak indartzea, ikuspegi psikomotorretik ikasleen beharrak identifikatzeko eta erantzuteko.

4. Irakasleei, ikuspegi psikomotorretik, ikasleen eta familien harrera egokia egiteko estrategiak eskaintzea

• Irakasleek ikaslearekin zein familiarekin harrera-prozesuan segurtasun afektiboa eta konfiantzazko loturak eraikitzeko estrategiak garatzea.

•  Mugimenduaren eta jolasaren bidezko erregulazio emozionala.
• Ongizate emozionala eta garapen psikomotor integrala.
• Lotura afektiboak eraikitzeko psikomotrizitate-saioaren elementuak.
• Harrera-erritualak eta taldearen kohesioa sustatzeko dinamikak.
• Espazioaren, denboraren eta materialen antolaketa harrera-prozesuan.
• Gatazkak eta frustrazioak ekiditeko, talde-jolas psikomotorrak eta lankidetza-jarduerak.
• Elkarrekintza positiboak eta taldearekiko kidetasun-sentimendua sustatzeko estrategiak.
• Behaketa psikomotorraren oinarriak eta irizpideak.
• Haurraren beharrak identifikatzeko adierazle psikomotorrak.
• Irakaslearen jarrera, presentzia eta esku-hartze psikomotorra.
• Familiarekiko komunikazioa eta lankidetza.
• Familia, haurra eta eskolaren arteko konfiantzazko harremanak sendotzeko estrategiak.

Formakuntza metodologia aktibo, parte-hartzaile eta bizipenekoan oinarrituko da. Saioak aurrez aurre egingo dira, eta horietako batzuk psikomotrizitate-gelan garatuko dira. Beste saio batzuetan, hausnarketa partekatua, kasuen azterketa eta esperientzien trukea landuko dira, bizipenak oinarri hartuta ezagutza eraikitzeko. Metodologia honek teoriaren eta praktikaren arteko lotura sustatuko du, irakasleek ikasitakoa beren eguneroko jardunean aplikatu ahal izan dezaten.

Irakasleei orokorrean.