059 Literatur testuen bidez ahozko gaitasuna garatzeko estrategiak Haur eta Lehen Hezkuntzan

Literatur testuak palanka ederra izan daitezke ahozko gaitasuna garatzeko. Betiere, komunikazio ekintzaren atmosfera eta testuingurua ondo josteko gai baldin bagara. Literatur testuen ezagutza eta berauek ondo erabiltzeko aukerak aztertzea oso lagungarria izan daiteke. Horretara dator ikastaro hau.

Gainera, ezin ahaztu literatur testuekin gozatzeko zenbaitetan oztopo izaten den ulertzeko gaitasuna, edota, irakurtzeko zailtasunak edota gogo eza. Horren aurrean ere, ahozko komunikazio ekintzak oso lagungarriak izan daitezke.

• Askotariko literatur testuak ezagutzea
• Genero guztietako literatur testuetara heltzeko bideak ezagutzea
• Testu desberdinak komunikazio ekintzarako prestatzea
• Komunikazio ekintzaren printzipioak berreskuratzea

• Genero literarioak eskolan. Ba al dago guztientzat?
• Haur Gazte Literatur Bibliografia eguneratuak
• Literatura eta ahozko gaitasuna
• Irakurtzea eta ulertzea. Nor-nori-nork?

Ikastaroa online irakaskuntzan oinarrituko da, horretarako, Moodle irakaskuntza-plataforma batean oinarrituta dagoen UEUren Ikasgela Birtuala erabiliko da. Ikastaroa parte-hartzailea eta praktikan oinarritutakoa izango da, irakasleek institutuan irakurtzeko ohitura eta irakurzaletasuna sustatzeko estrategiak eskura ditzaten.

Online izan arren, gertutasuna eta ahozko komunikazioa bultzatzeko trikimailu guztiak martxan jarriko ditugu ikastaroaren helburuekin ahalik eta koherenteen bidaiatzeko.

Haur Hezkuntzako, Lehen Hezkuntzako, Derrigorrezko Bigarren Hezkuntzako eta Batxilergoko irakasleak eta LHko teknikariak