023 Matematika interaktiboak

Ikasleen parte-hartze aktiboa eta ikasgelaren kudeaketa egokia funtsezko elementuak dira matematikaren ikaskuntza errazteko. Prestakuntza honek estrategia, baliabide eta proposamen praktikoak eskainiko ditu ikasgelako dinamika parte-hartzaileagoak sortzera bideratuta, matematika-klaseetan arrazoiketa, komunikazioa eta ikasleen inplikazioa sustatuz.

• Irakasleak ikasgelako matematika elkarrizketetan gidari gisa duen eginkizuna ulertzea.
• Ikaskuntza soziokonstruktibistak matematikako gaitasunen garapenean dituen onurak ulertzea.
• Ikasle guztien parte-hartzea eta inplikazioa erraztuko duten ikasgela kudeatzeko estrategiak eta dinamikak ezagutzea.
• Irakasleen berezko praktikaz hausnartzea, ikasgelako benetako kasuetatik abiatuta.
• Prestakuntzan zehar landutako proposamen praktikoak ikasgelaren ingurune errealera bideratu edo eramatea.

• Ikuspegi soziokonstruktibista: aurkikuntza gidatua, manipulazioa eta matematika-solasaldia.
• Konpetentzia matematikoak garatzeko jarduera aberatsak, problemen ebazpena edo arrazoiketa esaterako.
• Ikasgela kudeatzeko dinamikak: taldekatzeak, lan-giroa eta parte-hartzearen kudeaketa.
• Saioa dinamizatzeko tresnak eta baliabideak: ideiak amankomunean jartzea, pentsatzeko errutinak eta arbela edo euskarri bisualen erabilera.
• Ikasgelako benetako kasuen analisia eta irakasleen nahiz ikasleen arteko elkarrekintzarako praktika onak.

Ikastaroa online irakaskuntzan oinarrituko da, horretarako, Moodle irakaskuntza-plataforma batean oinarrituta dagoen UEUren Ikasgela Birtuala erabiliko da. Ikastaroa parte-hartzailea eta praktikan oinarritutakoa izango da.

Irakasleei orokorrean.