065 Ikasle etorri berrien ongizate emozionala: arrakasta akademikorako gakoa

Ikastaro honek ikasle etorri berrien ahalduntzea du ardatz, ongizate emozionalaren oinarrizko kontzeptuetatik abiatuta, pertsonen testuinguru kultural eta emozional berezia sakon aztertuz.

Ikasle etorri berriek bizi dituzten sentimendu eta emozioak identifikatzeko eta adierazteko estrategia praktikoak landuko dira, ikuspegi mentala gorputz-esperientzia fisikoarekin uztartuz. Era berean, auto-erregulazioa eta oreka emozionala lantzeko tresna eraginkorrak barneratuko dira, helburua baita emozioek gu menderatu beharrean, guk emozioak kudeatzea.

Hizkuntza eta komunikazio egokitua ardatz hartuta, harreman sozialak eta elkarbizitza inklusiboa sustatuko dira, ikasle etorri berriek beren ingurune berrien modu osasuntsuan eta ahaldunduta txertatzeko oinarriak finkatuz

• Migrazio-prozesuaren ezaugarriak eta eragin psikosoziala identifikatzea.
• Dolu migratzailearen faseak ezagutzea.
• Harrera-protokoloaren garrantzia balioestea.
• Ongizate emozionalaren oinarrizko kontzeptuak barneratzea.
• Emozioak identifikatzeko eta adierazteko estrategiak garatzea.
• Auto-erregulazio eta oreka emozionalerako baliabideak eskuratzea.
• Hizkuntza eta komunikazio-estilo egokituak erabiltzea.
• Entzute aktiboa eta enpatia praktikan jartzea.
• Harreman sozial osasuntsuak eta elkarbizitza inklusiboa sustatzea.
• Ikasgelako giro emozional positiboa eraikitzeko dinamikak diseinatzea.

Ikas-emaitzak lortze bidean, ikastaroan zehar landuko diren edukien hautaketa egin da:

• Etorri berrien testuinguru kultural eta emozionala.
• Migrazio-prozesuaren ezaugarriak.
• Dolu-migratzailearen faseak.
• Harrera protokoloaren garrantzia.
• Ongizate emozionalaren oinarrizko kontzeptuak.
• Ikasle etorri berrien emozioak identifikatzeko eta adierazteko estrategiak.
• Ikasle etorri berrien auto-erregulazioa eta oreka emozionala lantzeko estrategiak.
• Hizkuntza eta komunikazio egokitua etorri berri diren ikasleentzat.
• Entzute aktiboa eta enpatia, elkarrizketa seguruaren oinarria.
• Harreman sozialak eta elkarbizitza inklusiboa.
• Ikasgelako giro emozionala eraikitzeko dinamikak.

Ikastaroa online irakaskuntzan oinarrituko da eta, horretarako, Moodle irakaskuntza-plataforma batean oinarrituta dagoen UEUren Ikasgela Birtuala erabiliko da. Ikastaroa parte-hartzailea eta praktikan oinarritutakoa izango da, parte-hartzailea eta konpetentzietan oinarritutakoa izango da.

Irakasleei orokorrean.