048 Bigarren hizkuntzaren didaktika etorri berri diren ikasleentzat: aldamiatze estrategiak

Ikasgeletara etorri berri diren ikasleek, askotan, oso hizkuntza-maila desberdinetatik abiatzen dute bigarren hizkuntzaren jabekuntza-prozesua, eta horrek erronka espezifikoa dakarkio irakasleari eguneroko jardunean. Ikastaro honek bigarren hizkuntzaren didaktikaren oinarriak eta, bereziki, aldamiatze pedagogikoaren (scaffolding) estrategiak eskaini nahi dizkie irakasleei, ikasgela arruntean hizkuntza-maila desberdinei erantzuteko baliabide praktiko gisa. Ikuspegi inklusibo, komunikatibo eta praktikara bideratua izango da, irakasleen esperientziatik abiatuta eta ezagutza teorikoa ikasgelako jarduerara transferitzera bideratuta. Amaieran, parte-hartzaileek hizkuntza-maila eta aniztasuna kontuan hartzen dituen jarduera edo material didaktiko baten diseinua egingo dute, aldamiatze-printzipioak modu egokian aplikatuz.

• Ikasle etorri berrien hizkuntza-ikaskuntzaren ezaugarriak eta beharrak ulertzea.
• Bigarren hizkuntzaren didaktikako oinarrizko printzipioak ezagutzea.
• Aldamiatze estrategien (scaffolding) kontzeptua eta garrantzia barneratzea, bigarren hizkuntzaren jabekuntzan duten funtzioari erreparatuz.
• Hizkuntza aldamiatzea ikasgela arruntean txertatzeko estrategiak aplikatzea, arlo curricular guztietan.
• Hizkuntza-maila desberdinak errespetatzen dituzten jarduera eta material didaktikoak diseinatzea.
• Norberaren praktika didaktikoa modu kritikoan hausnartzea, hobekuntza-proposamenak formulatzeko.

- Ikasle etorri berriak eta bigarren hizkuntzaren ikaskuntza.

• Bigarren hizkuntzaren jabekuntza-prozesuaren ezaugarriak eta faseak.
• Ikasle etorri berrien behar linguistiko, akademiko eta afektiboak.

- Bigarren hizkuntzaren didaktikaren oinarriak.

• Hizkuntza komunikatiboki eta funtzionalki lantzeko printzipioak.
• Eguneroko hizkuntzaren eta hizkuntza akademikoaren arteko bereizketa.

- Aldamiatze pedagogikoa: kontzeptua eta motak.

• Aldamiatzearen (scaffolding) oinarri teorikoak eta funtzioa ikaskuntzan.
• Aldamiatze linguistiko, kognitibo eta sozio-afektiboaren motak eta adibideak.

- Aldamiatze estrategiak ikasgelan.

• Input ulergarria eta hizkuntzaren egokitzapena, edukia sinplifikatu gabe.
• Bisualizazioa, errutinak eta euskarri grafikoak, hizkuntza-maila desberdinei laguntzeko.
• Talde-lan kooperatiboa eta ikaskideen arteko aldamiatzea (peer scaffolding).

- Jarduera eta material didaktikoen diseinua.

• Hizkuntza-maila desberdinetara egokitutako jarduera baten diseinua, kasu praktikoetan oinarrituta.
• Diseinatutako jardueraren balorazio eta hausnarketa, ikasgelan aplikatzeko aukerak kontuan hartuta.

Ikastaroa online irakaskuntzan oinarrituko da eta, horretarako, Moodle irakaskuntza-plataforma batean oinarrituta dagoen UEUren Ikasgela Birtuala erabiliko da. Ikastaroa parte-hartzailea eta praktikan oinarritutakoa izango da, parte-hartzailea eta konpetentzietan oinarritutakoa izango da.

Irakasleei orokorrean.