Krisi ekologiko, klimatiko eta sozialaren erdian: desazkundea beste biderik bada? (Jakin Jardunaldia)

Mundua krisian dugu. Larrialdi klimatiko, ekologiko eta sozial bete-betean bizi gara. Kolapsatzear, diote aditu askok eta askok, nahiz eta horrela denik ez dugun sentitu. Erregai fosilen agortzea, esate batera, atarian dugu; aldaketa klimatikoaren ondorioz, lur emankorren lehortzea hasi da eta horrekin errefuxiatu klimatikoak; ur eta itsasoen maila goraka dator; bizi dugun pandemia honek naturaren ustiaketa neurrigabearekin, kutsadurarekin eta bioaniztasun galerarekin baduela zerikusirik ari gara ikusten. Zer datorkigu? Aurrerabideak aurrerabide izaten jarraitzen du? Eta zer bide dago ez bada desazkundea? Zer alternatiba ditugu abian Euskal Herrian?

Jardunaldi hau elkarlanean antolatu dute UEUk, Usurbilgo Udalak eta Jakin Fundazioak

• Krisi ekologiko eta klimatikoaren gaian sakontzea.
• Krisi sozial eta ekonomikoaren marko orokorrean kokatzea.
• Krisi ekologikoa alorrez alor zertan den aztertzea: basoak, ura, glaziarrak…
• Deskarbonizazioan eta ekofeminismoan sakontzea.
• Euskal Herrian abian dauden alternatibak ezagutzera ematea.

Hitzaldiak, mahai-inguruak eta denen arteko foroak baliatuko dira.

Interesa duen edonori.