Euskalgintza irudikatzen: mapa, arbola eta beste zertzelada batzuk.

Badu zenbait hamarkada orain zenbait eragilek euskararen biziberritzea elikatzen dutela, bakoitzak bere arlotik, bakoitzak bere heinean, baina denek ilusio hein batekin. Baina aski elkar ezagutzen ote dugu? Kontziente al gira besteek egiten dutenaz? Herri mugimendua eta administrazio publikoen arteko lankidetzak nola egikarikatu? Eta zein dira lankidetzarako espazioak? Zer dira gure beharrak?

Lapurdi, Baxe Nafarroa eta Xiberoan ere, euskararen aldeko borrokan aitzinatu arau behar eta galdera berriak agertzen dira. Elkarrekin gogoetatuz eta trukatuz, erantzun sendoagoak atzematen dira usu.

Udako ikastaroetan, 9 hilabete iraungo duen gogoeta zikloa abiatuko da, taldean finkatu gai baten inguruan. Ondoko saioak irailean Mintzalasaikari, azaroan Euskararen urtaroa kari eta martxoan Hendaia euskaraz kari iraganen dira.

Ikastaro hau UEUk eta Euskal Hirigune Elkargoak,  Hendaiako Herriko Etxeak eta Mintzalasai elkarteak elkarlanean antolatu dute:

• Euskalgintzako eragileak eta haien funtzioa hobeki ezagutu.
• Euskararen biziberritzearen ikuspuntu sistemikoa azkartu.
• Euskal herri mailako kontzientzia eta saretzea indartu.
• Euskalgintzako eragileen artean gogoetak partekatu.

Goizean, euskalgintzaren mapa eta arbola marraztu ondoren, paisaiaren ezagutza finagoa izango dugu.

Arratsaldean, elkarrekin definituko da ondoko hilabeteetan molde kolektiboan landuko den gaia.

Lan egun hori molde horizontal eta parte hartzailean animatuko da. Talde lanak, aurkezpen formalak eta trukaketa momentu informalak aldizkatuko dira.

Euskararen alorrean ari diren langile eta ekintzaileak: irakasle, animatzaile, teknikari, kazetari, sortzaile, ikerlari, elkarte dinamizatzaile,