363 Gorputz Adierazpena Gorputz Heziketa arloan

• Gorputz adierazpena ezagutzera eman: gorputzaren hizkuntza ezagutu eta gorputzak dauzkan komunikazio aukerak aztertu.
• Dantzak ikasgelan izan ditzakeen harreman eta komunikazio aukerak ezagutu: emozioak adierazteko, norberaren izatea lantzeko, taldea batzeko.
• Norberaren dantza sortu: pausu jakin batzuk edo kanpoko eredu zehatzak jarraitu barik. Norberak bere berea duen sentitzeko eta mugitzeko modua , bakoitzak izateko eta adierazteko duen berezko era gorputzaren eta dantzaren bidez bizi.
• Gorputz kontzientzia landu: geure gorputza entzuten ikasi, arreta piztu, nola gauden ohartu eta onartu.
• Gorputzetik sormenera dauden bideak ireki eta ezagutu.
• Bat-batekotasuna ikasgelan erabiltzeko tresna moduan aztertu.

Gorputza eta mugimendua:

• Nola ulertzen dugu gorputza?: gorputzaren ikuspegi osoa.
• Sentsopertzepzioa: gorputz kontzientzia lantzeko teknika. Gorputzaren arreta, entzumena garatzeko. Norberaren gorputz irudian sakondu.
• Zentzumenak: 5 zentzumenak dira gizakiok dauzkagun tresnak mundua antzemateko. Ukitu, entzun, ikusi, usaindu, dastatu... horrela sartzen gara harremanean munduarekin, beste gizakiekin, geurekin.
• Emozioa: Emozioak eta gorputzaren arteko harremana. Ze emozio?, Nola adierazi?
• Gorputza eta arnasa orain eta hemen kokatzeko tresna pedagogiko moduan.
• Mugimendua: mugimendua da bizitzaren printzipioa. Guztia dago mugimendua uneoro, eta pertsona bakoitzak mugitzeko modu propioa du. Norberaren mugimendua esnatzen eta honi bidea ematen ikasiko dugu. Mugimendu naturala, organikoa.

Komunikazioa:

• Zer da komunikazioa?
• Adierazpen modu ezberdinak behar ezberdinentzat.
• Gorputzaren hizkuntza.
• Dantzaren hizkuntza.

Sormena:

• Sormenaren oztopoak eta lagungarriak.
• Musikaren erabilera.
• Espazioa: Gorputz adierazpenean eta dantzan espazioaren inguruko hainbat ideia: espazio pertsonala, espazio partziala espazio osoa, espazio soziala, espazio fisikoa, espazio eszenikoa.
• Erritmoa: barne eta kanpo erritmoa. Denbora eta erritmoa.
• Bat-batekotasuna tresna moduan: Zer da?, Nola erabili?

Teoria eta praktika tartekatuko dira. Bizipenean oinarritutako ikastaroa izango da. Bizipenetik hausnarketara joko dugu, behin eta berriro. Bakarka eta taldean arituko gara lanean.