Kazetari aditua unibertso digitalean

Autorea(k): Txema Ramirez de la Piscina Martinez , Alazne Aiestaran Yarza , Joseba Barandiaran Andueza , Arantxa Iturbe Maiz , Beñar Kortabarria Olabarria , Imanol Murua Uria, Jose Inazio Armentia Vizuete, Marian Zubia Zubiaurre, Andoni Basabe Kortabarria, Jose Mari Pastor Gonzalez

Jakintza-arloak: Komunikazio-zientziak

ISBN: 978-84-8438-229-4

Argitalpen urtea: 2009

Orrialdeak: 188

Gaur egun, kazetariaren lana desafioz beteta dago: gizarte konplexu eta aldakorrean bizi gara. Kazetariari konplexutasun hori ahalik eta erarik argienean azaltzea eskatzen ari zaio, ohiko formula magikoa erabiliz: zehatz idatzi, argi komunikatu eta labur azaldu. Gertaera batzuk erraz makurtzen dira formula horren aurrean; baina, beste batzuk ez. Errealitateak alde asko ditu, ertz ugari, ñabardura franko. Horregatik, askotan, pilula magikoaren formulak ez du balio, arazo konplexu guztiak ezin direlako 20 segundotan azaldu. Bestelako formatuak behar dira, bestelako formulak. Orduan azaltzen da berriemaile espezializatua. Horretarako dago kazetari aditua: lehenengo eta behin, berez konplexuak diren fenomeno horietara aurreiritzirik gabe hurbiltzeko; bigarrenez, arazo horrek dituen alde guztiak zeintzuk diren detektatzeko; hirugarrenez, ñabardura horiek guztiak ulertzeko eta, azkenez, informazio hori guztia behar bezala transmititzen jakiteko. Horra hor kazetari adituaren funtsa, hitz lauz azalduta: hurbildu, detektatu, ulertu eta transmititu.

Aurkibidea


AITZINSOLALA. ERRAMINTA BERRIAK UNIBERTSO BERRIAN (Txema Ramirez de la Piscina)	

1. KAZETARITZA ESPEZIALIZATUAREN ZEREGINA III. MILURTEKOAN (Txema Ramirez de la Piscina)

2. HERRIKO INFORMAZIOA: KAZETARION PROBALEKU ETA ESKOLA (Alazne Aiestaran)	

3. KAZETARITZA POLITIKOA: BOTERE-BORROKAREN LEKUKO  (Imanol Murua)

4. KAZETARITZA EKONOMIKOA: BANKARI ETA HAUTESKUNDEEZ HARAGO  (Joseba Barandiaran)

5. NAZIOARTEKO KAZETARITZA: INFORMAZIOAREN MONOPOLIOA MUNDU POLIEDRIKOAN  (Jose Mari Pastor)

6. KULTUR KAZETARITZA: SORTZEA ABERASGARRI DELAKO (Arantxa Iturbe)

7. KIROL-KAZETARITZA: IKUSGARRITASUNA ETA ASKATASUNA  (Andoni Basabe eta Txema Ramirez de la Piscina)

8. ZIENTZIA-KAZETARITZA: ZIENTZIALARIEN ETA HERRITARREN ARTEAN ZUBIAK ERAIKIZ  (Bego Zubia eta BeÃ±ar Kortabarria)

9. HEDABIDE ELEKTRONIKOAK ETA DISKURTSO BERRIAK (Jose Ignacio Armentia)