Transmedia kontakizunak. Komunikazio esperimentuak.

Gero eta gehiago dira, gure artean ere, transmedia ikuspegiarekin buruturiko proiektuak. Erakunde publikoek zein pribatuek, mugimendu sozialek zein norbanakoek aurrera ateratako kontakizun horietan, plataforma desberdinak erabiltzen dira, eta ekoizle eta erabiltzailearen arteko ohiko mugak hautsi egiten dira istorioari zabaltasun zein sakontasun berriak eskainiz. Transmedia jarrera honen erakusgarri izan nahi dute ikastaro honetan aipatuko diren adibideek; informazio, musika, jarduera politiko-sozial edota kulturaletik abiatuta. Aukera paregabea Euskal Herrian transmediatasunak egin duen bidea ezagutzeko.

• Transmedia sormenaren eta ekoizpenaren oinarrietan sakontzea.
• Euskal Herrian transmedia ikuskerarekin burututako esperientziei buruz hausnartzea.
• Plataforma eta hedabide desberdinen erabileran murgildu, istorioaren edukia garatzeko eta elkarreragina indartzeko.

• Transmedia narratibaren esangurak eta aplikazioak.
• Egile eta ekoizpen desberdinen abiapuntuak, erreferentziak eta emaitzak.
• Euskal Herriko adibide esanguratsuen azterketa.
• Transmediatasunaren aplikazioa eduki, genero eta hedabide desberdinetan.

Transmedia ikuspegiarekin eginiko ekoizpenen aurkezpena egingo da oso modu praktikoan. Egile desberdinen parte hartzearekin, kasuko azalpenak egingo dira eta gero zatiak ikus/entzun.

Saio bakoitzean, galderak eta iruzkinak egiteko aukera zabalduko da.

Ikus-entzunezko Komunikazioko ikasleei, Ikus-entzunezko komunikazioaren ikertzaileei, gidoilariei, ekoizleei, sortzaileei, komunikatzaileei... orokorrean, interesa daukan edonori.