Etorkisuneku 01. Hizkuntzari eta komunitateari lotutako iruditeria eta diskurtsoak berritzeko proposamen bat.
Aurkezpena
Zergatik eta zertarako euskara? Zergatik bizi nahi dugu euskaraz, hizkuntza hegemoniko batean errazago uler bagintezke? Euskara altxorra? Euskara hizkuntza zaharra da? Euskara hizkuntza klasista eta baztertzailea da? Hauek egunero topatzen ditugun galderetako batzuk besterik ez dira.
Etorkisuneku 01 ekimenaren bidez ekarpena egin nahi diogu hizkuntzarekin eta hiztun komunitatearekin lotutako diskurtsoen eta narratiben berreraikuntzari, deseraikuntzari, berritzeari.
Horretarako, abian da Etorkisuneku 01 instalakuntza. Prototipoen museo bat da, erdigunean jartzen dituena artefaktu material desberdinak. Honi lotutako programa publikoak balio behar du bestelako iruditeri bat probokatzeko, diskurtsoak elikatzeko, elkarrizketa kolektibo bat sustatzeko. Proposatzen den jardunaldi honek balio digu horri guztiari markoa jartzeko. Arituko gara utopiez, zientzia fikzioaz, plausibilitateaz. Eszenatoki desberdinak bisitatuko ditugu, eta jolastuko dugu, eta aztarna utziko.
Jardunaldi hau UEUk, Badalab Hizkuntza Berrikuntza Laborategiak eta TEKS elkarteak elkarlanean antolatu dute.
Irakasleak
- Ane Abarrategi Zaitegi
- Garazi Albizua Castelao
- Mikel Alvarez Sarriegi
- Oier Aranzabal Etxebarria
- Mikel Ayllon Corral
- Maite Darceles Tife
- Alba Garmendia Castaños
- Arrate Hidalgo Sanchez
- Ines Osinaga Urizar
- Elisabeth Rosello .
- Helen Torres .
Helburuak
Euskarari eta hiztun komunitateari lotutako diskurtso zein narratibak berritzeko bideari ekarpena egitea, bestelako marko bat proposatzea.
Nori zuzenduta
Euskararen biziberritzean ari den orori edota euskararen etorkizunari lotutako kezka duen orori, sortzaileei, etorkizuneko teoriatan interesa duen orori, gizarte eraldaketan ari den orori.