Euskal Herriko I. Hika Topaketa.

Data: 2023ko azaroaren 10a
Ordutegia: Ostirala. 10:00-17:30
Izaera: Presentziala
Ordu kopurua: 10
Matrikula-epearen hasiera: 2023ko urriaren 2a
Matrikula-epearen bukaera: 2023ko urriaren 30a

Aurkezpena

Azken urteotan hitanoa biziberritzeko egitasmoak ugaritu egin dira. Kasu gehienetan eragileak nor bere aldetik ari dira langintza horretan, besteak zertan dabiltzan jakin gabe eta elkarlanerako aukerarik gabe. Euskal Herriko I. Hika Topaketaren helburua hitanoa bultzatzen ari diren eragileak batzea da, elkar ezagutzeko eta elkarlanerako bideak planteatzeko. Lan-topaketa bat da, beraz. Goizean hitzaldiak eta mahai-inguruak antolatu ditugu, hitanoa bultzatzeko sortutako hainbat esperientziari buruzkoak, eta arratsaldean, berriz, lan-mahaiak, parte-hartzaile guztientzat, hausnarketarako eta proposamenak egiteko. Asmoa: topaketatik ondorio batzuk atera ahal izatea eta ibilbide baten hasiera-puntua izatea.

>>> Ikusi hemen antolatzaileari egindako elkarrizketa: Idoia Etxeberria: "Badirudi badagoela hitanoa biziberritzeko nahia, eta horregatik da garrantzitsua elkartzea"

 

Jardunaldi hau UEUk eta Badihardugu euskara elkarteak elkarlanean antolatu dute.

Oñatiko udalaren babesarekin.

 

 

 

Babesle eta laguntzaileak:

 

Irakasleak

Helburuak

  • Topaketaren helburu nagusia saretzea da: elkar ezagutzea, indarrak batzeko eta elkarlanerako bideak eraikitzeko.
  • Hitanoa bultzatzeko sortu diren era askotako egitasmoak eta esperientziak ezagutaraztea. Adibidez, ikastetxeetan egiten ari direna.
  • Euskal Herri mailako ikuspegia eraikitzea, parte-hartzaile guztien artean, tokian tokiko egoerak, nahiak eta asmoak ezagututa.
  • Aurrera begira zer eta nola egin daitekeen erabakitzea, indarguneak eta ahulguneak identifikatu ondoren.

Nori zuzenduta

Adituak baino arituak batu nahi ditugu, hitanoa biziberritzeko lanean ari diren pertsonak: hika irakasleak, euskara teknikariak, euskara elkarteetako kideak, ikerlariak eta hitanoa bultzatzen ari diren bestelako eragileak, Euskal Herriko txoko guztietakoak.

Jakintza-arloak