Hezkidetza, hezkuntza irauli dezakeen begirada

Ikastaroaren data: azaroak 11 (larunbata)

Badira urte batzuk, SKOLAE programaren baitan, Nafarroako ikastetxeetan hezkidetzarako planak zehaztu eta garatzen ari direla. Irakasleen banakako ekimen edo proposamenetatik, hezkidetza sistematizatzearen aldeko urratsak ematen ari dira. Ezer ez da duela bostpasei urte bezala: hezkidetzak badu presentzia eskoletan. Efemerideak dira horren lekuko. Hala ere, hezkidetza eguneroko jardunean (programazioetan, ebaluazioan, harremanetan, edukietan, ikasleen partehartzean…) txertatzetik urrun gaude oraindik. Bide horretan, ikastetxe hezkidetzailea eraikitzeko oinarriak identifikatu eta elkarri nola eragiten dioten aztertzea da ikastaroaren helburua.

Informazio gehiago, irakasleari eginiko elkarrizketa honetan topatuko duzu.

• Hezkidetzaren helburuetara hurbiltzea.

• SKOLAE hezkidetzarako programa ezagutzea.

• Praktika hezkidetzaileak ezagutzea eta irudikatzea.

• Sexu-heziketa eta tratu onen edukiak gelaratzeko baliabideak ezagutzea.

1. SKOLAE programa.

• Helburuen dekalogoa.

• Irakasleen prestakuntza.

• Ikastetxeetako Hezkidetza plana.

• Sareetako lana.

• Praktika onak.

2. Sexu-heziketa eta tratu onak.

• Sexu-heziketa, kontzeptua bera.

• Eskura ditugun baliabideak.

Ikastaroa aurrez aurrekoa izango da. Proposamen dinamikoen bitartez, elkarrekin hausnartzeko tartea sortu eta eskoletan, gelaratzeko, jarduerak partekatuko eta irudikatuko dira.

Unibertsitateko ikasleak, irakasleak, hezitzaileak, berdintasun teknikariak, familiak, gaiarekin interesa duen edonor.