Ekonomialari Euskaldunen I. Biltzarra. Historiatik etorkizunera

Ekonomialari Euskaldunen I. Biltzarra dugu hau, bi urteko maiztasunez burutu nahi duguna, UEU eta Ekonomisten Euskal Elkargoaren ekimenez, aurtengoan Euskaltzaindia eta Donostiako Euskara Patronatuaren laguntzaz. Oraingoan, lehenengoa izaki, gure historia ekonomikotik abiatuta etorkizuna diseinatzen hasi nahi dugu.

Goizeko saioan, Biltzar honen aurrekarien berri izan ondoren, aski ezezaguna dugun Martin Azpilkuetak, duela bostehun urteko ekonomialari euskaldun batek munduko ekonomiari egindako ekarpen teorikoetatik hasiko gara. Historiari lotua halaber, Eibar moduko herri baten berrasmatze industriala (1700-2016).

Orainaldira jauzi eginez, gaurkotasun handiko bi gairekin uztartuko da, hala nola klima aldaketa eta ekonomia zirkularrak enpresa errealetan dituen eraginak, genero arrakala hazkunde eta aberastasunaren banaketan. Ahaztu gabe beste aldagai kuantitatibo batzuen egungo presentzia: geoestatistikaren baliabideak eta lehiakortasunaren eragina gure ongizatean.

Etorkizunari begira eta bera diseinatzen hasteko hala ere: datorkigun Europaren inguruko hitzaldi nagusi bat eta robotizazioak enpleguan dituen ondorioetaz hausnartuz.

Elkarrekin bazkaldu ondoren, arratsaldeko saioan berriz, bi tailer praktiko gauzatuko dira: bata zalantzarik gabe pil-pileko gaia dugun euskal pentsioei buruzko mahai-ingurua eta bestea gure wikipedia ekonomiko euskalduna elikatzeko ahaleginaz, bakoitza bere moderatzailearekin.

Egun osoko jardun betearen amaieran konklusio nagusi eta agurren txanda izango dugu.

• Ekonomialari euskaldunok elkar ezagutzea
• Unibertsitate (UEU eta beste) eta profesionalen (Ekonomistak Elkargokoen) arteko zubilana bete –beste lanbide batzuk bezalaxe: informatikari, arkitekto,…-
• Azken joera teorikoen berri izan eta pil-pileko gaiez modu kritikoan eztabaidatu, ondoren konklusioak argitaratzeko asmoz.
• Bi urtetik behineko maiztasunez ohitura bihurtzea, modu ibiltarian lurralde euskaldunetan.

EGITARAUA

09:00-09:30  Harrera eta dokumentazio banaketa.

09:30-09:40  Ongi etorria eta aurrekariak

• Kepa Sarasola (UEUko Zuzendaria)
• Baleren Bakaikoa (Ekonomia Aplikatuan katedraduna)

09:40-10:00  "Azpilkueta, ekonomia modernoaren aitzindari euskalduna"

•  Oskar Arantzabal (UEUko Ekonomia Saila) - elkarrizketa eta aurkezpena

10:00-10:45  "K"

• Juan Jose Ibarretxe (Agirre Lehendakari Center) - aurkezpena

10:45-11:00 Galderen txanda

11:00-11:30 Atsedenaldia

11:30-11:50 "Baliabide geoestatistikoak"

• Imanol Esnaola (Gaindegia) -  elkarrizketa eta aurkezpena

11:50-12:10 "Genero arrakala"

• Jule Goikoetxea (UPV/EHU) - elkarrizketa eta aurkezpena

12:10-12:30 "Ekonomia zirkularra"

• Aitor San Francisco (Bilibin Koop)- Iñigo Ruiz de Apodaca (CAF) elkarrizketa eta aurkezpena

12:30-12:50 "Eibar berrasmatzen, 1700-2016"

• Igor Etxabe eta Igor Goñi (UPV/EHU) - elkarrizketa eta aurkezpena

12:50-13:10 "Terminator 4.0: robotizazioaz eta enpleguaz hausnartzen"

• Joseba Permach (UPV/EHU) - elkarrizketa eta aurkezpena

13:10-13:30 “Lehiakortasuna eta ongizatea”

• Maria Jose Aranguren eta Amaia Zumeaga (Orkestra) - elkarrizketa eta aurkezpena

13:30-15:00  Bazkaria

15:00-16:00  Tailerra: "Euskal pentsio sistema baterantz"

• Baleren Bakaikoa (Ekonomia Aplikatuan katedraduna)

16:00-16:30 Kasu praktikoa: Ekonomisten Euskal Elkargoa

• Joseba Barandiaran (EEE)

16.30-16:45 Konklusioak eta agurrak: Bilbo 2021