Irudiz eta euskaraz. Gure hizkuntzaren zinema. Gure zinemaren hizkuntza

Gaurdaino ez da idatzi euskarazko zinemaren historiarik. Lan honek hutsune
hori bete nahi du. Zazpigarren arteak gure hizkuntzarekin izandako harremanak
aztertzen ditu, eta horretarako, hogeigarren mendea zeharkatzen duen ibilbide
bat marraztuz, irudiz eta euskaraz sortutako lanen historia kartografiatzen du.
Film eta egile ezezagun ugari aurkituko dituzu orrialdeotan, garai
ezberdinetako intelektualen diskurtso, bizipen eta oihartzunak, eta baita
hainbat istorio bitxi, triste eta harrigarri ere.

Hori guzia, bi zutabe ardatz hartuta. Batetik, datu-bilketa erraldoi bat
eta iturri anitz eta ineditoak. Bestetik, egileak ezkutatzen ez duen ikuspegi
propioa, interpretazio pertsonalei eta kritikari lekua uzten diena. Estilo
bizi, zorrotz eta dibertigarri batez jorratua, akademiarako ez ezik, publiko
zabalarentzat ere interesgarri den lana duzu eskuetan.

Eibarko Udalak UEUrekin lankidetzan antolaturiko  XIV. Juan San Martin bekaren irabazlea, 2019ko deialdian.

Josu Martinezi egindako elkarrizketa irakurri