Software eta Teknologia Librearen III. Euskal Mintegia.
Aurkezpena
JARDUNALDIA BETE EGIN DA (2016-11-09, 16:00). Itxaron zerrenda irekiko dugu, eman izena baina ez egin ordainketa tokia daukazula konfirmatu arte.
UEUren Software Librearen Euskal Mintegia (I. eta II. mintegia) aitzindari izan zen software librearen garrantzia azpimarratzen Euskal Herrian. Urte askoren buruan jarraipena eman, topaketa horiek berreskuratu eta teknologiaren aritu eta adituen arteko topaketa zabalago batzuk antolatuko nahi ditugu.
Software libreaz gain, beste teknologia libreak ere kontutan hartu nahi ditugu orain: datu libreak, estandar irekiak, hardware librea, azpiegitura libreak, kontsumo eta zerbitzu teknologiko libreagoak...
Bestetik, erdigunean kokatu nahi dugu, burujabetza teknologikoaren eztabaida. Norbanakoen, komunitateen, garatzaileen eta erakundeen artean teknologia libreen garrantzia nabarmenduko duten eztabaidarako, ekintzarako espazio bat martxan jarriz eta sareak indartuz.
Eskuratu hemen jardunaldiko kartela: SETLEM kartela
Nori zuzenduta
Gaian interesa daukan edonori.
Partaideek beraien dispositiboak (mugikorra, tableta, eramangarria...) ekartzea komeni da, tailerretan parte hartzeko.