TELP Tailerra. Euskaraz EROSO noiznahi eta nonani SENTITZEKO

Askok bizi izaten ditugu hainbat eta hainbat egoera zeinetan euskaraz hitz egiteagatik deseroso sentitzen garen. TELP tailerrean (Taller d'Espai Lingüistic Personal) deserosotasun hori murrizteko baliabideak eskaintzen dira. Baliabide horiek, maila kognitiboa, emozionala eta fisiologikoa kontuan hartzen dituzte. Tailer hau euskaraz egin nahi duen horrendako prestatu dugu, kontzientzia duenarentzat eta kontzientzia horretatik abiatuta, baliabideak eta estrategiak eskainiko zaizkio, euskaraz gehiago eta erosoago hitz egiteko.

* Euskaraz egiteari lotutako deserosotasuna murriztea.

* Hizkuntza jokabide asertiboari esker gusturago egotea eta horretarako baliabide gehiago sortzea.

• Oinarri teorikoak
• Interakzio Pertsonalen ikuspegi estrategikoa
• Baliabideak eta dramatizazioak.
• Aniztasuna, zailtasuna eta progresibitatea
• Konbergentzia geruzak, asertibitatea, norberaren helburuak zehaztu eta ondorioak.

Parte-hartzailea. Tailerraren aurrez-aurreko saioetatik kanpo egingo diren ariketez gain, tailerrean bertan azalpenak eta ariketak tartekatuko dira eta hitza emango zaie pertsonei momenturo.

Euskaraz gehiago egin nahi dutenei. Eragile direnei: euskara teknikariei, euskara irakasleei, irakasleei oro har, aholkulariei... Oinarrizkoa da pertsonek euskararekiko kontzientzia izatea.