Itzulpenaren teoria eta jarduna: bideak urratzen.

Itzulpengintzako ikasketen eremuan sumatzen ditugun hutsune batzuk asetzea. Alde batetik, itzulpenaren teoriaren baitan azken urteotan jorratu diren ikerketa ildoen berri ematea, etorkizuneko ikertzaileei abiapuntu bat eskaintze aldera. Bestetik, itzultze jardunari dagokionez, ezohikoak/periferikoak diren generoen itzulpena aztertzea eta praktikan jartzea, ikasketetan lantzen ez diren esparruak, edo lantzekotan oso modu axalekoan lantzen diren esparruak jorratuz.

Antolatzaileak: Garazi Ugalde, Danele Sarriugarte eta Garazi Arrula.

• Itzulpenaren teoriaren baitako ikerketa ildo posibleak ezagutaraztea.
• Ezohikoak/periferikoak diren generoen itzulpena aztertzea eta praktikan jartzea.
• Itzulpenaren inguruko hausnarketa bultzatzea.

• Teoria feministak itzulpengintzan.
• Itzulpenaren teoria euskal itzulpengintzara aplikatua.
• Diskurtso postmodernoak eta teoria postkolonialak itzulpenean.
• (Auto)zuzenketa.
• Poesia itzulpena.
• Testu dramatizatuen itzulpena.
• Itzulpenaren kanona eta kritika.
• Kultura (guretzat) arrotzen itzulpena eta taldean itzultzea.

Alderdi batzuk teorikoagoak izanik (goizekoak bereziki), hizlariek hartuko dute gaia aurkezteko ardura.

Tailerretan, aldiz, praktika izango da helburua. Hizlariak generoa /gaia aurkeztu eta taldeka lan egitea da asmoa, praktikaren bidez genero/gai bakoitzaren berezitasunak gertutik ezagutu ahal izateko.

Itzulpengintzako ikasleei, irakasleei, itzultzaileei, literatur kritikariei edota arlo horietan interesa duen orori zuzendua.