HAP-Hizkuntzaren Azterketa eta Prozesamendua (UPV/EHUren Master Ofiziala)

Interneten erabilera masiboak areagotu egin du hizkuntzaren tratamendu automatikoen beharra: interesatzen zaigun informazioa ondo aukeratzeko, esaterako, tratamendu linguistiko lagungarria ezinbestekoa baita.

Nola dabiltza itzulpen automatikorako bilaketarako edo testu zuzenketarako aplikazioak?

Informatikaria edo ingeniaria bazara... Zein dira oinarrizko tresnak? Nola integratu daitezke aplikazio hauek beste aplikaziotan edo webean?

Filologo edo hizkuntzalaria bazara... Nola egiten dute lan tresna hauek? Nola egiten dira automatikoki aplikazio horietan beharrezkoak diren analisi morfologikoa, sintaktikoa eta semantikoa?

Eusko Jaularitzak ingeniaritza linguistikoa aukeratu du bere ikerkuntza-lerro estrategikoen artean. Lerro honetan ikerketa eta garapena landuko duten ikertzaile berriak behar dira (ingeniariak eta hizkuntzalariak).

UEUn 2001-02 ikasturtetik gabiltza hizkuntza teknologien honen inguruko ikastaro hauek eskaintzen.

Ikastaroaren arduradun akadenikoa UEUkide eta EHUko irakaslea den Olatz Arregi da.

Egitarauaren xedea Euskal Hizkuntzalaritza eta Filologiako ikertzaile profesionalak trebatzea da. Masterra egiten duten ikasleak, doktoretza-tesi bat egin ahal izateko edo euskal gaietan kalitatezko beste zernahi ikerlan egiteko beharrezko diren gaitasunaz, trebakuntzaz eta ereduez jabetu daitezela bilatzen da masterrean.

Euskararen ikerketari edo euskalaritzaren adarrei litezkeen ikuspegi guztietarik ekin nahi dieten ikertzaileen trebakuntza da masterraren helburua, bertako ikasleek gorentasuneko maila zientifikoa lortzea.

Edukiak 60 ECTS biltzen ditu. Ikasgaien banaketari dagokionez,

• nahitaezko ikasgaiek 18 ECTS hartzen dituzte
• hautazkoek 27 ECTS eta
• proiektuak edo ikerketa-lanak 15 ECTS.

Egitaraua osorik ikusteko jo Masterreko web-orrira.

Master honetan baliatuko den metodologiak oinarrizko hatsarreen aurkezpen teorikoa eta eskola bertako ariketa praktikoak egitea aldizkatuko ditu:

• Adigai eta hatsarre teorikoak berezilari hoberenek aurkeztuko dituzte eskoletan
• Kasu praktikoen berri aurkeztuko da eskoletan
• Aurkeztu diren teknik ak baliatuz ikasleek gai eta azpigaiak ariketa praktikoen bidez eskoletan landuko dituzte
• Irakurritako bibliografia teknikoaz eskoletan eztabaidak gauzatuko dira

Hizkuntzalaritza eta Informatika uztartu nahi dituzten guztiei:

• Filologo eta hizkuntzalariak
• Informatikako eta Telekomunikazioetarako ingeniariak
• Alor hauetan ikertu nahi duten guztiak.