Elikadura burujabetza eta Agroekologia

Ikastaro honi 22 ordutako Balio Akademikoa aitortuko zaio.

Unibertsitatean oraindik Agroekologiaren ikasketak urri dira. Euskal Herriko nekazaritza sektorean, ereduei buruzko eztabaida puri-purian den honetan, unibertsitateak –euskaldunak- gaiari heltzeko tenorea heldu delakoan.

Euskal Herri mailako azterketak, erronkak eta ondorioak lantzen hasteko unea dela deritzogu, eta horregatik uda honetan Baionan abiatu, eta aurrera begira Agroekologia eta Elikadura burujabetzari buruz jarduteko esparrua sortu.

• Agrokologiari buruzko eztabaida abian jarri.
• UEUren baitan, Agroekologia atala abian jarri eta sozializazio lanari ekin.
• Unibertsitatea, nekazal-eskolak, ikerketa zentroetan agroekologia eta elikadura burujabetza lantzeko abiapuntua jarri.

• Elikadura burujabetza,
• Nekazaritza iraunkorra,
• Agroekologia,

Aurkezpenen ondotik talde mailako eztabaida sustatuko da. Baserritar jakinduria, nekazaritzako teknikarien jardunarekin batera uztartuko da. Mahainguru parte hartzaileak bultzatuko dira. Ikusentzunezkoak ere landuko dira.

Nekazaritzarekin harreman dutenei: ekoizleak, kontsumitzaileak. Nekazaritza eta agronomiaren inguruko ikasleei (Lanbide heziketa, nekazal eskolak, ingeniaritza). Elikadura burujabetzaren inguruan lanean ari diren mugimendu sozialetako kideei eta, oro har, interesa daukan edonori.