Ebaluazioa Moodle-n: kalifikazio-liburua eta tailerra.

Ikastaro honi 12 ordutako Balio Akademikoa aitortuko zaio.

Moodle-k, ikasgela birtualak sortzeko aplikazioa den aldetik, ebaluazioa hainbat moldetan garatzeko tresnak eskaintzen dizkigu. Tailer honetan birtualitatean erabil daitezkeen ebaluaziorako estrategiez egingo dugu hausnarketa eta gero zenbait tresna aurkeztuko dira ebaluazio sumatiboa nahiz ko-ebaluazioa garatzen laguntzeko.

Tailer hau Moodle-ren 2.0 bertsioko plataforma batean gauzatuko da.

• Birtualitatean erabil daitezkeen ebaluazio-estrategiez hausnarketa bultzatzea.
• Moodle-k ebaluaziorako eskaintzen dituen tresnak ezagutzea.
• Moodle-ren kalifikazio-liburua norberaren beharretara egokitzen trebatzea.
• Moodle-ren tailerra modulua erabiltzen trebatzea.

• Ebaluazioaren zenbait dimentsio.
• Ebaluazio-motak: formatiboa, sumatiboa eta ko-ebaluazioa.
• Moodle-ren ebaluaziorako tresnak.
• Moodle-ren kalifikazio-liburua: kategoriak, kalifikazio-elementuak, kalifikatzailea eta erabiltzailearen txostena.
• Moodle-ren tailerra: ezarpenak, lanen bidalketa, ebaluazio-aldia, kalifikazioa ebaluatzeko aldia eta rol-esleipenak.

Hainbat argibide teorikoren ondoren, tailer honetako partaideek kalifikazio-liburua eta tailerra moduluaren erabilera praktikoa burutuko dute. Batetik, nork bere ikastaroaren kalifikazio-liburua sortu eta kudeatuko du horretarako propio eskainitako jarduerak erabilita; bestetik, partaideen artean tailer bat garatuko da. Ikastaroaren izaera erabat praktikoa izango da, beraz.

Moodle-ren erabileran oinarrizko trebakuntza duen edozein irakasleri.