Gorputz-adierazpena: nola sentitu, hala dantzatu.

Ikastaro honi 18 orduko Balio Akademikoa aitortuko zaio.

Norberaren gorputzetik norberaren dantzara joko dugu. Herri bakoitzak bere dantza duen moduan, pertsona bakoitzak ere bere-berea den dantzatzeko eta mugitzeko modua du. Horixe da landu nahi duguna.

Bakoitzak izateko eta adierazteko duen berezko modua.

Adierazpen moduak aztertzea: dantzatzean sentitzen duguna, garena, kanporatzeko aukera dugu.

Gorputza, sormena eta komunikazioa ardatzak.

Gorputza: gure gorputza sentitu eta ezagutzeko tartea. Gorputz-kontzientzia aztertuko dugu, sentsopertzepzioaren bidez. Gorputza prestatu, arreta piztu, nola gauden ohartu eta onartu.

Mugimendua: mugimenduan gaude beti eta mugimendua gara. Berau kontzienteki biziko dugu, eta hemen ere berezko mugimenduari, naturala den horri bideak irekiko dizkiogu.

Dantza: bat-batekotasuna da gure tresna dantzara iristeko. Dantza askea, momentuan sortzen dena.

• Dantzatzeko aukera zabaltzea. Eredu zehatzei edo pauso jakinei jarraitu barik, norberak duen dantza piztea. Mugimenduaren askatasuna sentitzea.
• Dantzatzea: dantzatzean sentitzen duguna adieraztea, gozatzea.
• Sormena eta komunikazioa bizitzeko moduak aztertzea.

• Gorputzaren ekologia: espazioa, ni, besteak.
• Erritmoa:
  • Barnean & kanpoan.
  • Nirea & bestearena.
• Bat-batekotasunaren dantza: memoria, intentzioa, intuizioa.
• Gorputzaren geometria: yantra.
• Mugimendua: non sortzen da? nora narama?
• Dantzaren gozamena.

Praktikoa da. Banakako lanean, bikoteka eta taldean arituko gara.

Dantzatzeko gogoa duen orori