3D grafikoak Blender erabiliz.

Ikastaro honi 14 ordutako Balio Akademikoa aitortuko zaio.

Gaur egun, konputagailuen bidez sortutako 3D irudiak edonon azaltzen dira: bideo-jokoetan, telebistako iragarki zein filmetan eta abarretan. Kasuak kasu, gehienetan horrelako irudiak '3D modelatzaile' izeneko programen bidez eraikitzen dira. Modelatzaileek, bada, aukera ematen dute forma geometrikoak sortzeko, forma horiei kolore zein testurak esleitzeko, formak denboran zehar animatzeko eta abar. Modelatzaile komertzial ugari dago gaur egun merkatuan, erabiltzaile mota desberdinei bideratuak. Software libreak ere badu zeresanik arlo honetan, “Blender” modelatzaile arrakastatsuaren eskutik. Blender-ek sekulako arrakasta izan du azken boladan, eta hasiera batean erabiltzaile espezializatuei bideratuta bazegoen ere, azken bertsioek zeharo errazten dute haren erabilera. Ikastaro honen xedea Blender-en erabileran murgiltzean datza, modulu praktikoen bidez programaren hainbat aukera aztertu eta landuz.

• 3D grafikoen sarrera egitea. Zenbait kontzeptu teoriko azaltzea.
• Blender modelatzailearen nondik-norakoak ezagutzea.
• Blender-en bidez zenbait objektu modelatzen jakitea.
• Objektuei testurak esleitzeko teknikak ikustea.
• 3D eszenak sortzea. Argiak eta itzalak lantzea.

• 3D grafikoen sarrera.
• Blender sarrera.
• Modelizazio-teknikak.
• Testurak esleitzeko teknikak.
• Argiak (eta itzalak).
• Errenderizazioa.

Ikastaroa praktikoa izango da. Konputagailuen aurrean ikusiko dira Blender-en aukerak, eta hainbat ariketa egingo dira.

Konputagailuen bidezko 3D grafikoetan interesa duen edozeini.