HIZNET

Euskararen normalkuntza aspaldian abiatu bazen ere, sarri askotan prozesu horren baitako barne mekanismoez ondo jabetu gabe jokatzen da, soziolinguistikazko ezagutza sakonaren falta dela medio. Horregatik, euskararen normalkuntzan behar-beharrezkoa da ezagutza kualifikatuagoa eta sistematikoagoa izatea, eta premia horri aurre egiteko antolatu da hizkuntza plangintza (HIZNET) ikastaro hau.

Ikastaroaren koordinatzailea UEUkidea eta EHUko irakaslea den Iñaki Martinez de Luna da.

Graduondokoaren helburu zehatzak honako hauek dira:

• Soziolinguistikaren oinarrizko ezagutza eskaintzea.
• Hizkuntz egoeraren berri zehatza jaso ahal izateko beharrezkoak diren metodologiez eta teknikez janztea.
• Hizkuntz egoera hobeto ulertzeko eta normalkuntzarako bidean hartu beharreko estrategiak finkatzeko lagungarriak diren oinarri teorikoak eskaintzea.
• Euskararen normalkuntzaren plangintzarako metodologiez eta lanabesez janztea.
• Hizkuntza gutxituei teknologia berrien eskutik datozkien
• Euskararen egoeraren berri zehatza eskaintzea, eta baita Euskal Herriko gizarteak hizkuntzekiko eskaintzen dituen baldintzenak ere.

Graduondokoa egiten duten ikasleek egitarauan eskaintzen diren 35.5 kreditutatik gutxienez 31 ECTS kreditu aukeratu behar dituzte, horietatik 19.5 kreditu derrigorrezkoak direnak. Derrigorrezko kredituen artean, Sakontze Egitasmoa dago, ikasturte osoan zehar lantzen joan behar den ikerketa lana eta baita aurrez aurreko 4 saio ere, Eibarko UEUren egoitzan ospatzen direnak larunbata goizetan.

Egiatarau osoa ikusteko, HIZNETeko webgunera jo, hona.

Internet gauza asko egiteko modua aldatzen ari dela ezin ukatu daiteke, besteak beste, ikasteko era, hala munduan zehar nola Euskal Herrian bertan; izan ere, jende askok garbi ikusi du edozein unetan eta edozein tokitatik nonahi egon litezkeen irakasle hoberenekin ikastea ezinezkoa dela orain arteko heziketa eredua jarraituz gero, baina, bai, ordea Internet erabiliz.

Horrela, ikastaroa online izango da eta irakasgaiak graduondokoaren web gunean izango dira eskuragarri. Irakasgai batetik bestera iragan ahal izateko, ikasleak irakasgaiari dagokion ebaluazio-testa, ariketa eta balorazioa egin behar ditu.

Sakontze Egitasmoa, ikasturte osoan zehar lantzen joan behar den ikerketa lana izango da.

Azkenik, gai zehatzak lantzeko 4 saio presentzial ere izango dira.

• Egun euskara teknikari lanetan diharduten edo egunen batean zeregin horietan aritzeko asmoa duten guztiak.
• Urteetako ihardun profesionalaren ondorioz eskarmentua duten profesionalak, egun agertzen diren premia eta erronka berrien aurrean duten gaitasuna eta jakituria eguneratzeko aukera izan dezaten.
• Herri administrazioan, hezkuntza sisteman eta antzeko lan-arlotan, hizkuntza normalkuntza erantzukizun publikoa dutenak, euren eginkizunak aurrera eramateko oinarri sendoagotik abia daitezen.
• Euskalgintzako euskaltzale edo euskararen inguruan dihardutenak.