Politika- eta administrazio-analisirako metodologia eta teknikak

Pertsonok beti izan dugu gure ingurunea ezagutu eta ulertzeko beharra: unibertsoa; ingurune fisikoa; natura; bizitza-formak; taldeen arteko harremanak eta antolaketa... Horretarako erabil daitezke zenbait ezagutza mota, adibidez, erlijioa, zentzua edo sen ona, intuizioa eta ikerketa. Bakoitzak ditu bere oinarria eta metodologia. Mitoak, ohiturak, esperientziak, sinesmenak edota sentimenduak tartean daude gehienetan, ikerketan izan ezik. Azken horretan, garrantzitsuena da behaketan (esperimentaziotik, galderetatik, portaeren behaketatik...) oinarritutako ondorioak ateratzea. Ildo horretatik, liburu honen asmoa da baliabide metodologiko eta teknikoak eskaintzea politika arloko fenomenoak, gertaerak edota portaerak era zientifiko batez aztertu nahi dituenarentzat.