Karrantzako naturaren gidaliburua

Karrantzako haran ezezaguna Bizkaiko mendebaldean dago, bere baitan Euskal
Herriko paisaia berdeenetakoa gordez. Biztanle gutxi bizi dira haranean,
abeltzainak gehienak, auzo txikietan sakabanatuta. Pertsona horien bizimoduak
ahalbidetu du hain zuzen, Karrantzako natura hain aberatsa izatea; erreka
garbiak, hariztiak, pagadiak, larre berdeak, zohikaztegiak, harkaitzak...
animalia eta landare askoren bizileku aproposak, bertako aniztasunaren
adierazle. Agian, Karrantzako harana izango da, naturaren kontserbazioari
dagokionez, Bizkaiko eta Gipuzkoako eskualde nabarmenetakoa. Gizakiak badu zer
esanik horretan, aurrehistoriaraino itzuli behar baitugu karrantzarren
aztarnarik zaharrenak topatzeko. Historian zehar utzi zituzten beren urratsak,
oraindik bertan dirautenak eta gure ikustaldiak aberastuko dituztenak.