Arte-ekoizpen feministak euskal testuinguru kulturalean
Euskal testuinguru
kulturalean bi arte-instituzio publikotan aurrera eraman diren arte-ekoizpen feministen
inguruko bidaia eta hausnarketak biltzen dira liburuan, Arteleku zentroan eta Montehermoso
Kulturunean gertatutakoak. Instituzioen esparruan arte-ekoizpen feministek zer
egoera, oztopo edota betebehar gainditu behar izan dituzten ikusi ahal izango
dugu. Bestalde, kontuan hartu behar dugu ekoizpenerako baldintza bilakatzen
diren betebehar horiek kultura-politikek urteetan azaldu dituzten lehentasunekin
guztiz erlazionatuta daudela; esaterako, arte garaikidearen esparruan garatzen
diren praktika guztiak baliabide ekonomiko eta politikoak bilakatzera
bideratzen dituzte.
Baina zer gertatzen da
instituzio horiek espaziorik edota ekoizpenerako aukerarik irekitzen ez dietenean
arte-ekoizpen feministei? Zer gertatzen da instituzio horiek ateak ixten
dituztenean? Testuinguru
horretan, arte-ekoizpen feministek eta teoria eta mugimendu feministek, queer eta
transfeminismoekin batera, beren praktikak gauzatzeko baldintzak sorrarazten
dituzte arte-instituzio publikoen espazio instituzionalizatutik kanpo.
Arte-ekoizpen feministek
baliabide ekonomiko eta politikoa izan beharrari aurre egiten diotenean, beren
praktikaren bitartez, ezagutza-prozesua aurrera eramateko bideari ekiten diote,
baita subjektibazio-prozesu berriak eskaintzeari ere. Izan ere,
kultura-politikek irudikatzen dituzten helburuetatik aldentzen diren heinean,
eta teoria eta mugimendu feministekin, queerekin eta transfeminismoekin
elkarreraginean gauzatzen diren heinean, subjektuen eta ekoizten dituzten
bisualitateen artean mugak lausotu egiten dira. Arte-ekoizpen feministek
eskaintzen dituzten bisualitateek eta lan-prozesuek ekintzarako eta ezagutzarako
esperientzia berriak ahalbidetzen dituzte.
HITZAURREA
SARRERA
Artearen historiografia eta arte feministaren inguruan
Arte-ekoizpen feminista
I. KAPITULUA. TESTUINGURUA
1. KULTURA-KUDEAKETA PUBLIKOA. ARTE GARAIKIDEA EUSKAL TESTUINGURUAN
1.1. Kultura-politiken testuingurua
1.1.1. Kultura baliabide bilakatua
1.2. Euskal Autonomia Erkidegoa. Kultura-politiken ibilbidea
1.2.1. Kulturaren Euskal Kontseilua. Kulturaren Euskal Plana
1.2.2. Eremuak programa eta artea eta politika publikoak
1.2.3. Kultura-politiketatik politika publikoetara
1.3. Berdintasun-legeak: artearen eta sexuen arteko berdintasuna uztartzeko ahaleginak
1.3.1. Espainiako Estatuko Ley Orgánica para la igualdad efectiva de mujeres y hombres (martxoaren 22ko 3/2007)
1.3.2. Euskal Autonomia Erkidegoko Emakumeen eta Gizonen berdintasunerako legea (otsailaren 18ko 4/2005)
II. KAPITULUA. ARTELEKU
2. ARTELEKU ZENTROA. ARTE-EKOIZPEN FEMINISTARI ESKAINITAKO ESPAZIOA
2.1. Arte-hezkuntzara zuzendutako arte eta pentsamendu garaikideko zentroa
2.2. Arteleku eta arte-ekoizpen feministari eskainitako espazioa
III. KAPITULUA. MONTEHERMOSO
3. MONTEHERMOSO KULTURUNEA. 2008-2011. ARTE-EKOIZPEN GARAIKIDEAREN ETA TEORIA FEMINISTAREN ARTEKO ELKARGUNEA
3.1. Montehermoso Kulturuneko jarduna arte-ekoizpen feministara bideratuta
3.2. Arte garaidearen esparruaren kudeaketa emakume eta gizonen arteko berdintasuna eta feminismoak oinarri hartuz
IV. KAPITULUA. INSTITUZIOTIK KANPO
4. ARTE-EKOIZPEN FEMINISTA ARTE-INSTITUZIO GARAIKIDETIK KANPO
4.1. Kolektiboak, sareak eta kidetasuna arte-ekoizpen feministan
4.2. Izendapenen mugak eta subjektibazio-prozesuak
4.3. Arte-ekoizpen feminista ezagutza-prozesu bezala
5. ONDORIOAK
6. BIBLIOGRAFIA
EGINDAKO ELKARRIZKETAK
ARTE-LANAK
Liburu honen doako edizioa deskargatzeko webgunean login egin behar da:
Sartu