(89) Zoladura iragazkorren eragina hirietako isurketa-uren kalitatean

Ainhoa Lekuona-Orkaizagirre1, Maite Meaurio1, Eneko Madrazo-Uribeetxebarria1, Maddi Garmendia Antin1, Ainara Gredilla1
1Euskal Herriko Unibertsitatea (UPV/EHU)
ainhoa.lekuona@ehu.eus

Laburpena

Hiri Drainatze Sistema Jasangarriak (HDSJ) helburu anitzetarako diseinatu ohi dira: uraren ziklo naturala babesteko, uholde arriskua kudeatzeko edota hirietako isurketa-uren kalitatea hobetzeko. Esaterako, zoladura iragazkorrek euri-ura lurzoruan zehar infiltratzea edo euri-uren deposituetara helaraztea ahalbidetzen dute. Besteak beste, Legazpiko San Ignazio auzoan, HDSJ-en aldeko apustua egin dute, zoladura iragazkorren aparkaleku bana eraikiz. Lan honen helburua Legazpiko zoladura iragazkorrek uraren kalitatean duten eragina aztertzea izan da.

Gako-hitzak: Hiri Drainatze Sistema Jasangarriak, HDSJ, zoladura iragazkorrak, uraren kalitatea