(61) Glifosatoarekiko erresistentzia duten Amaranthus palmeri populazioen fisiologia: glifosatoaren garraioa, metabolizazioa eta oxidazio-estresa

Laburpena

Glifosatoarekiko erresistenteak diren Amaranthus palmeri belar txar inbaditzaile populazioak ezagutzen dira. Bi esperimentu prestatu dira, ur-ontzietan eta hosto disken inkubazioa. Lehenengoan, NCS (erreferentziazko sentikorra) eta NCR (glifosatoarekiko-erresistentea) populazioetan glifosatoaren mugimendua eta metabolizazioa baloratu da, glifosatoaren eta honen degradazio metabolitoaren (AMPA) edukia neurtuz eta degradazioan parte hartzen duen AKR entzimaren jarduera aztertuta. Bigarren esperimentuan, NCS eta Aragoiko bi populaziotan (B, potentzial sentikorra, eta R, potentzial erresistentea) glifosatoak oxidazio-egoeran duen eragina aztertu da, oxigeno-espezie erreaktiboen edukia, lipidoen peroxidazioa eta proteinen karbonilazioa baloratuz.