(41) Etorkizuneko farmako-menua: Burmuineko minbizidun haurrentzako medikuntza pertsonalizaturako plataforma aurreratua

Oneka Perea Ariznabarreta¹, Jason Linnebjerg Haw¹, Jérémy Ariey-Bonnet¹, Sandra Laternser², Bettina Kritzer³, Javad Nazarian³, Hanne Vibeke Marquart⁴, Signe Stausbøll⁴, Krister Wennerberg¹, René Mathiasen⁵

¹BRIC, University of Copenhagen, ²DMG/DIPG Centre, University Children's Hospital Zürich, ³DIPG/DMG Centre, University Children's Hospital Zürich, ⁴Department of Clinical Immunology, Rigshospitalet, ⁵Bonkolab, Rigshospitalet

oneka.ariznabarreta@bric.ku.dk

Laburpena

Burmuineko tumoreak haur eta gazteen minbizi mota hilgarrienak dira eta gaitz heterogeneoen taldea osatzen dute. Egungo tratamenduak ez dira eraginkorrak, batez ere pronostiko okerreneko pazienteentzat. Heterogeneotasun intratumorala sendagai gidatuen garapenerako erronka nagusia da, terapiekiko ihesa eta berreritzea sustatzen baititu. Lan honek burmuineko minbizi pediatrikoen profil molekular eta farmakologikoa aztertzeko plataforma ezartzea du xede, terapiarekiko erresistente diren minbizi-zelula amen karakterizazio fenotipiko eta funtzionalean zentratuz. Hala, epe-luzeko efikazia daukaten sendagai-konbinazio berriak aurkitzea espero da, medikuntza pertsonalizatuaren onarpen klinikoa berretsi eta burmuineko minbizidun haurren bizi-itxaropena hobetzeko asmotan.

Gako-hitzak: burmuineko minbizi pediatrikoa, heterogeneotasun intratumorala, burmuineko minbizi-zelula amak, medikuntza pertsonalizatu funtzionala