(35) Antzutasun maskulinoa duten pazienteen estratifikaziorako biomarkatzaile metabolikoen bilaketa eta tresna diagnostiko baten garapena

Irune Calzado¹, Manu Araolaza¹, Ainize Odriozola¹, Malen Zabala², Lorena Crisol³, Iratxe Ajuria⁴, Jose Roberto Matorras⁵, Mikel Albizuri¹, Nerea Subirán¹

¹Universtity of the Basque Country (UPV/EHU), ²Mepro Medical Reproductive Solutions, ³University Hospital of Donostia, ⁴IIS Biobizkaia. Hospital of Galdakao-Usansolo, ⁵IIS Biobizkaia. University Hospital of Cruces

irune.calzado@ehu.eus

Laburpena

Gaur egun giza antzutasunak munduko biztanleriaren %17.5ari eragiten dio eta kasuen %50 faktore maskulinoei lotuta daude. Horrez gain, gizonen antzutasuna aztertzeko tresna diagnostikoak mugatuak dira, ez baitira %100ean eraginkorrak, eta gameto maskulinoen suntsipena dakarte. Ildo horretan, azterketa metabolikoak eta lipidomikoak oso baliagarriak izan daitezke bai semen-kalitatea ebaluatzeko bai gizonen antzutasuna eragiten duten kausen karakterizazio integralagoa gauzatzeko maila molekularrean. Gainera, likido seminalean biomarkatzaile metabolikoak identifikatzeak aukera eman diezaguke semen-lagin berean proba diagnostiko bat gauzatzeko espermatozoideak suntsitu gabe.

Gako-hitzak: antzutasuna, biomarkatzailea, metabolomika, lipidomika