(20) Omega-3 gantz-azidoek nerabezaroko alkoholaren ondorioak arintzen dituzte sagu arren hipokanpoko sistema endokannabinoidean

Maitane Serrano Murgia¹, Leire Lekunberri¹, Cristina López-Andrés², Ane Martín-Llorente², Amaia Mimenza¹, Garazi Ocerin¹, Itziar Bonilla-Del Río¹, Irantzu Rico-Barrio¹, Pedro Grandes¹

¹1.Neurozientziak Saila. Medikuntza eta Erizaintza Fakultatea 2.Achucarro Basque Center for Neuroscience, ²1.Neurozientziak Saila. Medikuntza eta Erizaintza Fakultatea

maitaneserranomurgia95@gmail.com

Laburpena

Alkohola mundu mailan gehien kontsumitzen den substantzia psikoaktiboa, eta nerabezaroan kontsumitzeak garuneko ondorio larri eta iraunkorrak eragin ditzake, bereziki hipokanpoan. Alkoholak neuronak komunikatzeko erabiltzen duten sistema endokannabinoidea kaltetzen du, bereziki sistema horretako garuneko hartzailerik garrantzitsuena, CB1a. Omega-3 gantz-azidoek neuronen arteko komunikazioa eta sistema endokannabinoidearen funtzioa hobetu ditzakete. Ikerketa honetan, nerabezaroko alkohol kontsumoaren ondorioak aztertu dira hipokanpoko CB1 hartzailean, eta ostean omega-3an aberastutako dietaren eragina ebaluatu da. Emaitzek frogatu dute omega-3ek alkoholak eragindako kalteak apaltzeko gaitasuna dutela, eta horrek terapia ez farmakologiko gisa duen potentziala azpimarratzen du.

Gako-hitzak: Nerabezaroa, Alkohola, Omega-3 gantz-azidoak, Sistema endokannabinoidea, Hipokanpoa, CB1 hartzailea, Adolescence, Alcohol, Omega-3 fatty acids, Endocannabinoid system, Hippocampus, CB1 receptor