(156) HiTZketan. Ahots-ahots itzulpen elebiduna ikasketa sakona erabiliz

Aitor Bellanco¹, Ibon Saratxaga¹, Inma Hernáez¹, Aitor Soroa², Eva Navas¹, Gorka Labaka², Xabier de Zuazo¹, Ander Arriandiaga¹, Victor García¹, Jon Sanchez¹, Christoforos Souganidis¹, Eneko Aguirre², Asier Herranz¹, Rodrigo Agerri², German Rigau², Gemma Meseguer¹

¹HiTZ Zentroa - Aholab, Euskal Herriko Unibertsitatea (UPV/EHU), ²HiTZ Zentroa - Ixa, Euskal Herriko Unibertsitatea (UPV/EHU)

aitor.bellanco@ehu.eus

Laburpena

HiTZketan proiektuak ahotsetik ahotserako (S2S) itzulpen automatikoko sistema berritzaile bat garatu du, euskararen eta gaztelaniaren arteko komunikazio arina ahalbidetzen duena. Sistema horren erabiltzailea bi hizkuntza horietako edozeinetan mintza daiteke, eta sistema bera arduratzen da diskurtsoaren edukia kontrako hizkuntzara itzultzeaz. Gainera, komunikazioaren esperientzia eta naturaltasuna hobetzeko, sistemak testu-itzulpena sortzeaz gain, audio bihurtzen du, jatorrizko hiztunaren intonazioa eta ahots-ezaugarriak imitatzen dituen ahots pertsonalizatua erabiliz.

Gako-hitzak: Ahots-arteko itzulpena, Hizketa-ezagutza automatikoa (ASR), Itzulpen automatiko neuronala (MT), Ahots-sintesi pertsonalizatua (p-TTS), Zero-adibide ikaskuntza.