(112) Bizkarrezur-muina birsortzeko mikroingurune moldagarria

Ane García García¹, Unai Silván², José Luis Vilas Vilela³, Senentxu Lanceros Mendez², Leyre Pérez Álvarez⁴

¹BCMaterials and University of Basque Country, UPV/EHU, ²BCMaterials and IKERBASQUE, ³University of the Basque Country, UPV/EHU, ⁴BCMaterials and University of the Basque Country, UPV/EHU

ane.garcia@bcmaterials.net

Laburpena

Bizkarrezur-muineko lesio traumatikoa eragin sozioekonomiko handia duen egoera neurologikoa da, eta kalte egiten dio eragindako pertsonen bizitza sozialaren, lanaren eta psikologikoaren kalitateari. Tamalez, gaur egun ez dago lesioa behin betiko sendatzeko estrategia eraginkorrik. Zelula ama mesenkimalek (MSC) potentzial terapeutikoa erakutsi dute hantura modulatzean eta sekretomaren bidez birsortzea sustatzean, nahiz eta transplantearen ondoren kostuak eta biziraupen txikia bezalako erronkei aurre egin behar dieten. Lan honetan, bizkarrezur-muineko lesiorako dinamikoki egokitzekoa den gelatinaz egindako hidrogel bat diseinatzea proposatzen da. Bertan, degradazio programatua duten gelatinaz osatutako hidrogel ezberdinak sintetizatu eta karakterizatuko dira. Ondoren, proposatutako hidrogelen propietateak balidatuko dira.

Gako-hitzak: bizkarrezur-muineko lesioa, hidrogel, degradazioa