(103) Herritarren zientzia euskal kostaldean: mikroalgen eta meiofaunaren datuen baliozkotasunaren azterketa

Olatz Ortega-Vidales1, Belen Gonzalez-Gaya2, Eider Bilbao Castellano3, Oihane Diaz de Cerio Arruabarrena3, Harkaitz Eguiraun Martinez4, Miren Bego Urrutia Barandika5
1Itsas Biologia eta Bioteknologia Esperimentalen Ikerketa Zentroa PiE-UPV/EHU, 2Itsas Biologia eta Bioteknologia Esperimentalen Ikerketa Zentroa, Kimika Analitikoko Saila UPV/EHU, 3Itsas Biologia eta Bioteknologia Esperimentalen Ikerketa Zentroa, Zoologia eta Animalia Zelulen Biologia Saila UPV/EHU, 4PiE-UPV/EHU, Adierazpen Grafikoa eta Ingeniaritzako Proiektuak Saila UPV/EHU, 5PiE-UPV/EHU, Genetika Antropologia Fisikoa eta Animalien Fisiologia Saila UPV/EHU
olatz.ortega@ehu.eus

Laburpena

"¡Atención! ¡No me aplastes!-Kontuz! Ez nazazu zapaldu!" proiektua, Euskal Herriko lehen herritar-zientzia proiektu inklusiboa da, 2023. urtean sortu zena eta hareatzetako biodibertsitate mikroskopikoa ikertzea xede duena. Bertan, herritar-zientzialariek mikroalgak eta meiofaunako organismoen behaketak egiten dituzte. Lan honetan herritar-zientzialariek bildutako datuen baliozkotasuna aztertu da. Horretarako, herritar-zientzialariek identifikatutako taxoi-kopurua eta egindako behaketak adituek lortu dituzten datuekin erkatu dira. Herritar-zientzialariek egindako mikroalga eta meiofaunako organismoen behaketen % 80aren inguru onartu da. Horrek herritar-zientzialariek lortutako datuak zientzietako ikerketetan erabiltzeko balioa dutela adierazten du.

Gako-hitzak: Herritar-zientzia, Datu-baliozkotasuna, Mikroalgak, Meiofauna, Inklusioa