(26) Aho-minbizia: nola hobetu azken hamarkadetan aldatu ez den pronostikoa?

Iñaut Amezaga Fernandez¹, Irene Lafuente Ibáñez de Mendoza¹, Xabier Marichalar Mendia², Abel García García³, José Manuel Aguirre Urizar¹

¹Estomatologia saila. Medikuntza eta Erizaintza Fakultatea. Euskal Herriko Unibertsitatea (EHU/UPV), ²Erizaintza I saila. Medikuntza eta Erizaintza Fakultatea. Euskal Herriko Unibertsitatea (EHU/UPV), ³Facultade de Odontoloxía. Universidade de Santiago de Compostela (USC)

iamezagafer@gmail.com

Laburpena

Aho-minbiziak pronostiko iluna du oraindik, azken hamarkadetan apenas hobetu ez dena. Pronostikoarekin lotutako faktoreak identifikatzeko helburuarekin, atzera begirako ikerketa hau diseinatu da, 2010-2015 urteetan Galizian diagnostikatutako 243 aho-minbizidun paziente barne hartuta. Pazienteen bi heren gizonak ziren, bataz beste 67 urtekoak, eta erdia baino gehiago estadio aurreratuetan diagnostikatu ziren. Lepoko gongoilen metastasia, marjina kirurgikoen inbasioa eta tabako-alkohol kontsumoa izan ziren pronostikoari estuen lotutako aldagaiak. Beharrezkoa da dibulgazio soziosanitario orokorra eta osasun-profesionalen formazio espezifikoa ezartzea aho-minbiziaren inguruan, diagnostiko goiztiarra erdietsiz bere pronostikoa hobetzeko.

Gako-hitzak: aho-minbizia, pronostikoa, diagnostiko goiztiarra, odontologia, aho-osasuna