2023ko proiektuak

Ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea dira UEUk eta BadaLabek sustatutako diziplinarteko ikerketa-proiektuen deialdiaren helburuak.

Ikerketa-proiektuen iraupena 18 hilabetekoa izango da, 2023ko abendutik eta 2025eko maiatzera gauzatuko da eta azken hilabetea memoria osatzeko erabiliko da.

Ebazpena (2023/10/24)

Batzorde ebaluatzaileak proiektuak ebaluatu ondoren, hau da proiektuen hurrenkera:

  1. Pottoka, euskal herriko poniren jatorri eta ondareari jarraika (87 puntu)
  2. Molekula sintetikoak erabiliz gizakien hortz mamiko zelula amekin (HDPSCS) burmuin organoideak sortzeko protokoloen diseinua (77,75 puntu)
  3. Euskal hedabideen sareko audientzia denbora errealean jarraitzeko panela #BEHAorain (77,75 puntu)
  4. Zaintza-harreman global-lokalak: euskara eta kulturartekotasuna tokiko zaintza ekosistemen eraikuntzan (75,5 puntu)
  5. Tumore solidoen aurkako sarkortasun handiko antigorputzen garapena (73,9 puntu)
  6. Eskola ingurunearen eragina haurren pertzepzio eta estresean: esku-hartze eraginkorren bidean aurrerapauso bat (70,1 puntu)
  7. Omega-3 gantz-azidoetan aberastutako dieta terapia neuroinflamatorio gisa nerabezaroan aldizkako alkohol-kontsumoak eragindako garun-kaltea leheneratzeko: sistema kannabinoide endogenoaren rola. (70 puntu)
  8. Elikadura nahastea izateko arriskua sokatiran, aldagai fisiko eta kognizio sozialarekin erlazioa (66,8 puntu)
  9. Inkrustazioen aurkako margoen aplikazioa itsasontzietan: beharrezkoa den neurri baten eragin ekologikoak eta pertzepzio soziala testuinguru klimatikoan (60,25 puntu)
  10. Etxebizitza hutsa alternatiba gisa: Nafarroarentzako proposamen juridiko, soziologiko eta arkitektoniko bat. (58,5 puntu)
  11. Euskara eta bideojokoak: egoera eta lokalizazioaren kasu azterketa (53 puntu)

2023-2025 diziplinarteko ikerketa-proiektuen deialadiaren irabazleak

"Euskal Herriko poneyaren jatorria eta ondarea" ikerketa-proiektua izan zen irabazlea. Proiektuaren atzean daude:

  • Miren Iraeta Orbegozo (Ikaztegieta, 1993). Biokimika eta Biologia Molekularreko Gradua du, masterra Bioinformatikan eta doktoregai da Arkeologia eta Arkeogenetikan.
  • Oihane Mendizabal Sandonís (Donostia, 1992). Historiako Gradua du, Ondare Eraikia Zaharberritzeko, Birgaitzeko eta Kudeatzeko Masterra eta doktoretza Antzinateko Zientzietan.
  • Sofia Marcos Basagoiti (Durango, 1995). Biologiako Gradua du, masterra Analisi Klinikoetan eta doktoretza Biomedikuntza eta Biologian Molekularrean.

"Deialdi honek aukera bikaina eskaini digu hiru arlo desberdinetako ikertzaileok elkar ezagutzeko eta batera lan egiteko"

"Antzinako zaldien DNAren kontserbazioak markatuko du ikerketa-ildoa norantz enfokatu"

Ezkerretik eskuinera: Oihane Mendizabal Sandonís, Miren Iraeta Orbegozo eta Sofia Marcos Basagoiti

Proiektua 2025eko Ikergazte kongresuan aurkeztu zuten.