(54) Psilozibinaren administrazio akutuaren eraginen ebaluazioa garun kortexean serotonina, noradrenalina eta dopamina mailak neurtuz: garun-mikrodialisiaren bidez burututako ikerlana esna dauden saguetan

Nerea Martínez-Álvarez¹, Inés Erkizia-Santamaría¹, Igor Horrillo², Jose Javier Meana², Jorge Emilio Ortega²

¹Euskal Herriko Unibertsitatea UPV/EHU, ²UPV/EHU, CIBERSAM, Biocruces Bizkaia Osasun Ikerketa Institutua

nerea.martineza@ehu.eus, ines.erkizia@ehu.eus, igor.horrillo@ehu.eus, javier.meana@ehu.eus, jorge.ortega@ehu.eus

Laburpena

Psilozibina eraginkortasun antidepresiboa duen haluzinatzaile naturala da. Bere ekintza mekanismoa nahiko ezezaguna da. Hori dela eta, lan honetan, psilozibinaren ekintza mekanismo akutua aztertu da monoamina maila estrazelularrak ebaluatuz, kortex frontalean egindako garun-mikrodialisia in vivo teknika erabiliz. Erabilitako dosian, 1 mg/kg hain zuzen, ez da monoaminen kontzentrazioan aldaketa esanguratsurik ikusi eta, beraz, psilozibinaren ekintza antidepresiboak, egungo antidepresiboen kasuan ez bezala, ez du erlazio zuzenik kortex frontaleko monoaminen mailen igoerarekin.

Gako-hitzak: Psilozibina, Depresioa, Antidepresiboak, Psikodelikoak