(18) Obesitatearen estigma osasun profesionalengan: literaturaren berrikuspena

Tamara Evelin Gomez Castellon1, Oihana Aguirreurreta Galarraga1, Eva Pereda-Pereda2, 3
1Psikologia Klinikoa eta Osasunaren Psikologia eta Ikerketa Metodologia Saila, Psikologia Fakultatea (UPV/EHU), 2Gasteizko Erizaintzako Unibertsitate Eskola, Osakidetza, 3Biodonostia, Osasun Mentala eta Arreta Psikiatrikoaren Taldea
tamaragom3zzz@gmail.com, oihanaaaa@gmail.com, eva.pereda@ehu.eus

Laburpena

Literaturaren berrikuspen honek osasun-profesionalen obesitatearen inguruko sinesmen eta jokabide estigmatizatzaileak aztertzea du helburu, jokabide horiek detektatzeko, kontzientziatzeko eta murrizteko. Bilaketa sistematikoan 31 artikulu aukeratu ziren. Emaitzek jakinarazi zutenez osasunarloko profesionalek obesitateari buruzko ikuspegi estigmatizatua eta obesitatea duten pertsonenganako jarrera negatibo inplizitu eta esplizituak dituzte, hauen osasun fisiko eta psikologikoa kaltetuz. Etorkizuneko ikerketek osasun-profesionalen obesitatearen estigma desagerrarazteko eskuhartzeak jorratu beharko lituzkete eta psikologiako profesionalek obesitatea duten pertsonen osasun mentala sustatzeko terapia psikologiko eraginkorretan hezi beharko lirateke

Gako-hitzak: osasun-profesionalak, estigmatizazioa, obesitatea