(166) Litio-ioizko bateriak kudeatzeko sistemen segurtasun funtzionala

Laburpena

Litio-ioizko bateriak izatez arriskutsuak dira. Hortaz, modu seguru eta efizientean lan egiteko kudeaketa-sistema elektronikoak (Battery Management System, BMS hemendik aitzinera) dituzte txertaturik. Bertzalde, segurtasun funtzionalaren diseinu-metodologien helburua gizakiak eta ingurumena elektronikaren akatsen ondoriozko kalteetatik babestea da. Lan honetan segurtasun funtzionalera bideratutako BMSen egungo egoera aztertu da, bertan identifikatutako gabezia eta hutsuneetatik abiatuz BMSen diseinu-metodologia aurkezteko. Azkenik, metodologia balioztatuko duen BMS prototipo baten diseinua proposatu da etorkizuneko lan-lerro moduan.