BAIONAKO UDAKO IKASTAROAK - 2019

Bernat Etxepare Lizeoan emango dira ikastaroak eta bertako barnetegia erabiltzeko aukera daukagu, beraz aurten lo egiteko tokia ere eskainiko dugu.

Hona argibideak:

--> PREZIO BEREZIA: loa, gosaria eta bi bazkari 50,00€ (bi egunetako ikastaro baterako)

.

LO EGITEKO AUKERA

Lizeoko barnetegian lo egiteko aukera eskaintzen dugu.

• Uztailaren 1 eta 2ko gauetarako bakarrik (igande gaua ez).
• 3, 4 edo 5 pertsonako gelak dira. Gelak, lehen egunean iritsi ahala banatuko dira.
• Maindireak eta tapakia ekarri behar dituzu.
• Lo egiten gelditu nahi baduzu, mantenu osoa aukeratu behar da (bazkaria, loa eta gosaria). Prezioa: 40,00€/eguneko.
• Ez dira afaririk eskainiko.

.

BAZKARIAK

• Eguneko bazkariak solte eskatu daitezke.
• Lizeoko barnetegiko jantokian bazkalduko dugu. Bertako ohiturak jarraiki, bazkaria 13:00etan izango da eta menu bakarra egongo da (egunero aldatuko da): sarrera bat, plater bat, deserta (postrea), ura, arnoa, eta kafea barne.
• Prezioa: 10,00€/bazkari bakoitza.

.

ALERGIA ETA DIETA BEREZIAK

Elikagairen bati alergia edo intolerantziaren bat baduzu, edo dieta bereziren bat jarraitzen baduzu, adierazi mesedez. Otordurik egin behar ez baduzu ere, jakinarazi mesedez, atsedeneko kafetxoa prestatzeko kontutan hartuko baitugu.

.

EZAUGARRIAK

• Epea: ostatua eskatzeko aukera ekainaren 24a arte irekita egongo da.
• Ostatua ikastaroan matrikulatzerakoan eskatu behar da (matrikularen formularioan bertan).
• Egunean bertan EZINGO DA bazkari edo lo egiteko eskaerarik egin, dena aurretik antolatu eta lotu behar baitugu.

.

.

Informazio osagarria

1. BAZKARIAKUdako Ikastaroen egoitzen inguruan bazkaltzeko aukera emango du UEUk. Bazkari tiketak egunean bertan erosi beharko dira ikastaroen Idazkaritzan.

.

2. OSTATUA (lo egiteko tokia):UEUk aurten ez du Eibar edo Iruñerako ostaturik eskainiko.

• Eibarko Egoitza Zentroa Markeskoatik gertu kokatua dago, UniEibar ikastetxearen inguruan. Ikasleen egoitza da, uztailean ere erabili daiteke, txukuna. Erreserbak egiteko: Eibarres, Egoitza Zentroa.

Iruñeko Ikastaroak:

• Hotel, ostatu eta bestelako eskaintza zabala dauka Iruñean, Turismo bulegoan galdetzea gomendatzen dugu.