Udako Ikastaroak :: Etnologia, Osasuna, Biologia eta Natur Zientziak, Botanika

Sendabelarrak eta etnobotanika Euskal Herrian: jakituria tradizionaletik pentsamendu zientifikora.

  • Izaera: Presentziala
  • Ordu kopurua: 18.00 ordu
  • Matrikula-epearen hasiera: 2016(e)ko maiatzaren 9a
  • Matrikula-epearen bukaera: 2016(e)ko uztailaren 3a

Ikastaro honek sendabelarren erabilera tradizionala izango du abiapuntu. Izan ere, azken hamarkadetan Euskal Herrian burutu diren etnobotanika eta etnografia ikerketa ezberdinek, gure herri-medikuntzan garrantzia duten sendabelarrei buruzko informazioa ugaritu izan dute.

Horren ildotik, jakituria tradizional horretatik abiatuz, gure inguruko baso eta baserri eremuetan ohikoak diren sendabelarrak identifikatzen ikasiko dugu. Horrez gain, landareak modu egokian aplikatu ahal izateko beharrezkoak ditugun infusio, ukendu, enplastu edota kremak egiten ikasiko dugu, baita sendabelar bakoitzaren erabilerarekin zerikusia daukaten beste ezagupen batzuk ere geureganatuko ditugularik.

Guzti horrekin batera, ikastaroan zehar osasungintzari buruzko hausnarketa orokorra landuko dugu. Besteak beste, honako gaiak jorratuko ditugu: medikuntza sistema ezberdinen arteko (herri-medikuntza, medikuntza alternatiboak, medikuntza ofiziala) ezberdintasunak eta gatazkak; plazeboa, magia eta erritualen inguruko eztabaida eta guzti horri buruz, ikuspegi zientifikoak ematen digun irakurketa.

Irakasleak

  • Gorka Menendez Baceta

    Ingurugiro Zientzietan lizentziatua eta Etnobotanikan doktorea.

    Ikusi bere irteera baten bideoa hemen: Etnobotanika

  • Haizea Quintas Mendizabal

    Geologian Lizentziatuta eta Biologia-Geologiako irakaslea.

Helburuak

  • Gure inguruan arruntenak diren sendabelarrak identifikatzen ikasi eta horiek modu egokian erabili ahal izateko beharrezkoa den jakituria geureganatu. Euskal Herriko etnobotanikari buruzko, hau da, tradizioz erabiltzen diren landareei buruzko nozio orokorrak barneratu.
  • Hartutako sendabelarrak manipulatzen ikasi ukenduak, infusioak etab. egiteko.
  • Osasungintzarekin erlazionatutako hainbat gairen inguruko eztabaida sustatu.
  • Zientziak arlo honetan izan duen ekarpenaren inguruan hausnartu.

Edukiak

  • Mendi irteeretan ikusten denaren araberako azalpenak emango dira.
  • Hirugarren egunean, sendabelarren erabilerak aplikatzeko, ukenduak, infusioak eta enplastoak egingo dira.
  • Amaitzeko, ikasitakoaren hausnarketa eta gogoeta egingo da.

Metodologia

Ikastaroa bi zatitan banatuko da.

Alde batetik, bi mendi-irteera egingo dira, bata kantauriar isurialdera eta beste mediterranear isurialderi dagokion inguru batera, Hego Euskal Herrian. Irteera hauetan landareak bertatik bertara ikusi, identifikatzen ikasi eta espezie bakoitzari buruzko informazio etnobotanikoa jasoko dugu.

Beste alde batetik, hirugarren egunean ikasgelan egongo gara. Egun osoan zehar, sendabelarrak prestatzeko hainbat errezeta (enplastu, ukendu, infusio...) landuko ditugu, eta aldi berean, irteeretan ikasitako kontzeptu ezberdinen errepasoa egingo da. Ikasle bakoitzari egindako errezeten apunteak banatuko zaizkie.

Nori zuzendua

Sendabelarretan interesa duen pertsona orori zuzendutako ikastaroa da, hau da, euren funtzioa zein den ikasi, nola maneiatzen diren ikasi edota gai zehatz honi buruzko bere ezagutza-maila handitu nahi duenarentzat.

Bi mendi irteera daudenez, forma fisiko minimoa edukitzea ere gomendatzen dugu. Gomendagarria da baita ere ikasleek botanikari buruzko ezagutza minimoa edukitzea.

Egitaraua

2016-07-13

Ordua Edukiak Irakaslea
09:00-17:00

Sendabelarrak eta etnobotanika Euskal Herrian:

2016-07-11

Ordua Edukiak Irakaslea
09:00-17:00

Sendabelarrak eta etnobotanika Euskal Herrian:

2016-07-12

Ordua Edukiak Irakaslea
09:00-17:00

Sendabelarrak eta etnobotanika Euskal Herrian:

Matrikulaziorako argibideak

  • Matrikulatu aukera sakatu (izenburuaren azpian dago ikonoa) eta jarritu matrikula-orria betetzeko argibideak.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, i.iciar@ueu.eus, (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Ikasleak mendi irteerarako eraman beharrekoak:

  • Norberarentzat janaria eta edaria.
  • Landareak jasotzeko plastikozko poltsak.
  • Mendian ibiltzeko jantzi eta oinetako egokiak.

Mendi-irteerak zailtasun ertainekoak izango direnez, ikasle bakoitzak erabaki beharko du, bere irizpide propioaren arabera, menditik ibiltzeko tresnak beharrezkoak izango dituen edo ez, eta horiek ekarri beharko dituen (adibidez, mendirako makilak, eguzkitarako txapela edota krema, ...).

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa (2016ko ekainaren 20ko ebazpena).Homologazio kodea: 1668348014Parte-hartze ziurtagiriaren inguruko xehetasunak:

  • %80ko asistentzia beharrezkoa da ziurtagiria lortzeko (egunero pasatzen den asistentzia-orriaren arabera kontrolatzen da).
  • Ikastaroa amaitu ondoren, akta bidaliko da Jaurlaritzara. Akta hori jaso eta 60 egunetara parte hartzea baliagarri izango da.

Babesleak

Etiketak

Eibar, ikastaroak, etnobotanika, ukenduak, erremedioak, sendabelarrak, belarrak, landarak, botanika

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.